Populære bibelvers fra JOHANISI 13

Del

Zwino mulayo muswa une nda ni ṋea asuyu: Funanani. Vhunga Nṋe ndo ni funa, na inwi ni fanela u funana. Arali ni tshi funana ndi hone vhoṱhe vha tshi ḓo ḓivha uri ni vhafunziwa vhanga.”

Zwino-ha vhunga Nṋe ndi re Muṋe waṋu na Mufunzi waṋu ndo ni ṱanzwa milenzhe, na inwi ni fanela u ṱanzwana milenzhe. Zwe nda ita ho tou vha u ni sumbedza uri na inwi ni edzise zwe Nṋe nda ni ita.

Yesu a fhindula a ri, “Zwine Nṋe nda khou ita zwino inwi a ni zwi ṱalukanyi, hone ni ḓo zwi ṱalukanya ngavhuya.”

Zwino ipfani-ha: A hu na phuli ine ya fhira muṋe wayo; na muḓinḓa ha fhiri we a mu ruma.

Zwino vhunga ni tshi zwi ḓivha ni ḓo vha na mashudu arali ni tshi nga zwi ita.

Ndi zwe a takuwa afho zwiḽiwani a bvula zwiambaro zwa nṱha a kanyela thaula khunduni. Ndi hone a tshi shela maḓi sambeloni a thoma u ṱanzwa milenzhe ya vhafunziwa vhawe a tshi i phumula nga iḽa thaula ye a vha o kanyela.