Populære bibelvers fra ଲୁକ 7

Del

ତ ନାନ୍ ନିକିଂଙ୍କ୍ କେତୁତାନ୍, ଇଦିନାଦ୍ ନାର୍ଗେ ପାପ୍ କ୍ଷମା ହାସ୍ ମିନ୍ଦେ, କାରନ୍‍ ଆଦ୍ ଗାଟି ପ୍ରେମ୍ ମାଡ଼ତ୍‍ତେ; ବାତେଙ୍କ୍ ଇତ୍କେ ବେନଙ୍କ୍ ସୁଦୁଟ୍ କ୍ଷମା ହିଦ୍‍ତଡ଼୍, ଅଣ୍ଡ୍‌ ସୁଦୁଟ୍ ପ୍ରେମ୍ ମାଡ଼ିତନ୍ ।” ମେଣ୍ଡେ, ଜିସୁ ଆଦ୍ ନାଟାଡ଼୍ ତିଙ୍କ୍ କେତ୍ତଣ୍ଡ୍, “ନିୱାଦ୍ ପାପ୍ ସାରେ କ୍ଷମା ହାସ୍‍ମିନ୍ଦେ ।”

ବାତେଙ୍କ୍ ଇତ୍କେ ଜିସୁ ଆଦ୍ ନାଟାଡ଼୍‍ତିଙ୍କ୍ କେତ୍ତଣ୍ଡ୍, “ନିୱାଦ୍ ବିଶ୍ୱାସ୍ ନିକିଂଙ୍କ୍ ରକ୍ଷା ମାଡ଼ିତେ; ଶାନ୍ତି ତେ ହାନ୍ ।”

ପେର୍‍କେ ଜିସୁନ୍ ଲାବ୍ ଡେକେତ୍ ଗାର୍‍ରେ ନିଶ୍‍ମିକା କେୟକେୟ କାଣ୍ଡେଡି ଏର୍‍ଦେ ଅନାଦ୍‌ ଲାବ୍ ଡେକେତିଙ୍କ୍ ନାଆସ୍‍ପି ନିଜର୍ ତାଲେତ୍ କେଲ୍‍କିନ୍ ତଡ଼୍ ଆଦ୍ ଉମ୍‍ସାନଙ୍କ୍ ପସ୍‍ପିତ୍‍ତେ, ମେଣ୍ଡେ ଅନ୍‌‍ୱେ ଲାବ୍ ଡେକେତିଙ୍କ୍ ଚୁମା ମାଡ଼ି ସାୟେ ଗାବ୍‍ତେ ନିୟ୍‍ ଅକାନଙ୍କ୍ ପସ୍ପ୍‍ତେ ।

ତ ନାନ୍ ନି ଗାର୍‍ରେ ଆଦାଙ୍କ୍ ନିଜେତିଙ୍କ୍ ଯୋଗ୍ୟ ହେର୍କେ ମାଡ଼ନ୍; ବାତେଙ୍କ୍ ଇତ୍କେ ୱେରନ୍ ପଦ୍ ଗଟ୍ ମାଡ଼ା, ନା ଦାସ ସୁସ୍ଥ ଆଦ୍‍ତନ୍ । ବାତେଙ୍କ୍ ଇତ୍କେ ନାନ୍ ୱେରନ୍ ଅଦିନତେ ମାତ୍‍କେ ମିକା ନା ଆଦିନ୍ ତେ ସୈନିଡ଼୍ ମିନ୍ଦେଡ଼୍; ମେଣ୍ଡେ, ନାନ୍ ଅର୍‌ତୁଙ୍କ୍ ଆନ୍‌ ଇତ୍କେ ଅଣ୍ଡ୍‌ ଆଦ୍‍ତନ୍; ଅର୍‌ତୁଙ୍କ୍ ୱାଡ଼ା ଇତ୍କେ ଅଣ୍ଡ୍‌ ୱାଦ୍‍ତଣ୍ଡ୍; ମେଣ୍ଡେ ନା ଦାସଙ୍କ୍ ଇଦ୍ ମାଡ଼ା ଇତ୍କେ ଅଣ୍ଡ୍‌ ଆଦ୍ ମାଡ଼ିତନ୍ ।” ଜିସୁ ଇଦ୍ ସାରେ ଗଟ୍ କେଞ୍ଜି ବାକ୍‍ୱା ଆତ୍‍ତଣ୍ଡ୍, ମେଣ୍ଡେ ତିଡ଼ିୟି ମିକା ପେର୍‍କେ ୱାସ୍ ମାନ୍ଦାନ୍ ନାରୁଡ଼୍ ସାରେତଡ଼୍‌କିଂଙ୍କ୍ କେତ୍ତଣ୍ଡ୍, “ନାନ୍ ମିକିଂଙ୍କ୍ କେତୁତାନ୍, ଇସ୍ରାଏଲ୍ ଲୋପେ ଇସ ବାଡ଼ିୟାଦ୍ ବିଶ୍ୱାସ୍ ଦର୍‍ସ୍‍କନ୍ !”

ଆସୁଣ୍ଟ୍ ଜିସୁ ନାର୍ଗେ ନାରୁଡ଼୍‍କିଂଙ୍କ୍ ରୋଗ୍, ତିପାଲ୍‍ ନୁ ଦୁଷ୍ଟ ଆତ୍ମା କଞ୍ଜ୍ ସାଏ ମାଡ଼ତଣ୍ଡ୍, ମେଣ୍ଡେ ନାର୍ଗେ କାନାଲଡ଼କ୍ ଉଡ଼ାନାଦ୍ ଶକ୍ତି ହିତ୍‍ତଣ୍ଡ୍ । ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ମିଡ଼୍ ଆଞ୍ଜ୍ ବାତା ଉଡ଼୍‍ତିଡ଼୍‍ ନୁ କେଞ୍ଜ୍‍ତିଡ଼୍‍, ଆଦ୍ ସାରେ ଯୋହନ୍‌ତିଙ୍କ୍ କେଲାଟ୍; କାନାଲଡ୍ ଉଡ଼ାଙ୍କ୍ ପାର୍‍ଦ୍‍ତଡ଼୍, କୁଟାଲଡ଼୍‍ ତାଆକାଂଙ୍କ୍ ପାର୍‍ଦ୍‍ତଡ଼୍, କୁଷ୍ଠୀ ନାରୁଡ଼୍ ସୁସ୍ଥ ଅଦୁତଡ୍, ବାୟିରାଲଡ୍ କେଞ୍ଜାଙ୍କ୍ ପାର୍‍ଦ୍‍ତଡ଼୍, ଡୋଲତେ ନଡ୍ ଜିୱେ ଆଦ୍‍ତଡ଼୍, ଦରିଦ୍ରଡ଼୍‍ ଗାର୍‍ରେ ସୁସମାଚାର୍ ପ୍ରଚାର୍ ମାଡ଼ୁତଡ଼୍