Populære bibelvers fra मत्ती 5

Del

लोक दिऊआ बाल़ीने किसी टोकरे हेठ नीं पर ऊच्चिया ठारी रखां ये, ताकि तिसते घरा रे सारयां लोकां जो लोय हुईजो। तियां इ तुहांरी जिन्दगी उजाले साई माहणुआं रे सामणे चमको भई सै तुहांरे खरयां कम्मां जो देखीने तुहांरे पिता री बडयाई करो, सै जे स्वर्गा चा।”

तुहें इस संसारा रे लोकां खातर लोई साई ये। इक येढ़ा नगर सै जे ऊच्चे पहाड़ा पर बसीरा सै छिपाईने नीं छिपि सकदा।

परमेशर तिन्हां लोकां जो आशीष देआं, तिन्हारे जे मन साफ ये, काँह्भई तिन्हां परमेशरा रा दर्शण पाणा।

परमेशर तिन्हां लोकां जो आशीष देआं, सै जे सच्चाईया ने तियां जीणे री इच्छा रक्खां ये, तियां जे कोई भुक्खा रे वगत खाणे पीणे री इच्छा रक्खां, काँह्भई तिन्हौं परमेशर सच्चाईया ने जीणे रे लायक बणां।

पर हऊँ तुहांजो ये बोलां, भई अपणे दुश्मणां ने प्यार रखा कने अपणे सताणे औल़यां रे खातर प्राथना करा।

“परमेशर तिन्हां लोकां जो आशीष देआं, सै जे जाणाँ ये भई तिन्हौं परमेशरा री जरूरत इ, काँह्भई सै तिन्हां पर राज कराँ।

परमेशर तिन्हां लोकां जो आशीष देआं, सै जे शान्तिया रे काम्म कराँ ये, काँह्भई सै परमेशरा रे बच्चे हुणे।

परमेशर तिन्हां लोकां जो आशीष देआं, सै जे दुख मनायें, काँह्भई परमेशर तिन्हांजो तसल्ली देआं।

परमेशर तिन्हां लोकां जो आशीष देआं, सै जे परमेशरा रिया इच्छा रे मुतावक जीणे रिया बजह ने मुशीवत झेल्लां ये, काँह्भई परमेशर तिन्हां पर राज कराँ।”

परमेशर तिन्हां लोकां जो आशीष देआं, सै जे दयालु ये, काँह्भई परमेशरा तिन्हां पर दया करनी।

“परमेशर तुहांजो आशीष देआं, काँह्भई ताहली जे माहणु तुहांजो मेरा चेला हुणे रिया वजह ने तुहांरी निंध्या करो, कने सताओ, कने झूट्ठ बोल्ली-बोल्लीने तुहांरे बरोधा च हरेक किस्मा री बुरी गल्ल बोल्ले। तां खुश कने मगन हुयां, काँह्भई तुहांरे खातर परमेशरे स्वर्गा च सै जे ईनाम रक्खीरा सै बौहत बड्डा। इस खातर भई लोकें तिन्हां भविष्यवक्तयां जो सै जे बौहत साल पैहले थे इयां इ सताईरा था।”

परमेशर तिन्हां लोकां जो आशीष देआं, सै जे नम्र ये, काँह्भई परमेशरा अपणे वायदे रे मुतावक इसा धरतिया पर तिन्हांजो सारियां आशीषां देणियां।

“तुहें इस संसारा रे लोकां खातर लूणा साई ये; पर जे लूणा रा स्वाद बिगड़ी जाओ, तां फेरी इसजो किस तरिके ने इस्तेमाल लायक बणाया जाई सक्कां? फेरी सै किसी कम्मां रा निआं, सिर्फ इसरे भई बाहर सट्टया जाओ कने लोकां रे पैराँ हेठ दल़या जाओ।

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

पर तुहांरी गल्ल हाँ री हाँ, या नां री नां ओ; काँह्भई जो किछ इसते जादा हुआं सै शैतान यनि बुराईया ने हुआं।”

“तुहें सुणी चुक्कीरे भई व्यवस्था च ये लिखिरा, ‘अक्खी रे बदले आक्ख कने दन्दा रे बदले दान्द।’ पर हऊँ तुहांजो बोलां भई किसी बुरे माहणुये रे कम्मां रा बदला देखां लेन्दा; पर जे कोई तेरिया सज्जिया खाखा पर चपैड़ मारीने तेरी बेज्जति करो, तां तिस खौ दुज्जी खाख बी फेरी दे।

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी। तियां इ तियां जे भई तुहें इक हात्थ बड्डया रांये सै जे तुहांरा पाप करने री वजह बणां। जे तुहें स्वर्गा जो जांये, भले इ तुहांले सिर्फ इक हात्थ हो, सै बधिया। पर तुहांले दो हात्थ हो कने तुहें नरका च जाओ, तां सै बुरा।”