Populære bibelvers fra EFETIKILO 3

Del

Ukãi yu wa mõla uti okuti wa posokela oku liako, haiwo wa posokela oku u tala, haiwo uti wa soliwila oku eca olondunge, yu wa yunga epako, kuenje wa lia; wa ecavo limue ku veyaye kuenje wa liavo.

Onyõha ya velelepo oku nyanga, ovinyama viosi viovusenge via lulika Yehova Suku vi sule. Kuenje ya pula ukãi yiti, Ocili Suku wa popia hati, Ko ka li koviti viosi viovocumbo, ale?

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

Wa popia lukãi hati, Ha luisa olongembia viove koku cita kuove; o cita cita omãla lolongembia, haimo onjongole yove yi kala kulume wove, leye o ku viala.

O lialia okulia kuove lesalamĩho liokopolo yove, toke eteke o tiukila vali keve; momo haiko wa tundile. Ove ukueve, keve haiko o tiukila.

Ku Adama wa linga hati, Omo wa tava kondaka yukãi wove kuenje wa lia kuti una nda ku handeleka, siti, Ku ka lieko, oco osi yi siñalĩwa. O liako lohali oloneke viosi viomuenyo wove

Eye hati, Wa ku sapuila hati, O kasi epõlõla, helie? Mbi wa lia kuti una nda ku handeleka siti, Ku ka lieko?

Wa tundisa ulume, kuenje konele yutundilo wocumbo ce Edene wa kapako va Keruvi, losipata yondalu yi pongolokela kuosi oku lava onjila yo kuti womuenyo.

Ulume yu wa luka onduko yukãi waye hati, Heva, momo eye nyõho yava vosi va kasi lomuenyo.