Populære bibelvers fra Oluka 8

Del

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Eyi la e gro e gbu okũ asi afpu, e dzu eka moare la a yga odlo ba Ahogbrẽ, ambo aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi, ahi lo a nyom mo o yga odlo lo. Okyku eka he moa a kpo owlamakyeŋ nzenze mbo.

Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu.

Ambla he nga Eyesu a zhĩ moanwyeotum baŋ a lu mi le, Agimi e shri obmi ba adlidzi bimi e kpo eshi? Ambo moanwyeotum baŋ moa a ka egbregbre nga moa a kpo eyli. Moa a lu ta la emo a lu mi le, Alom he lo a wo ayi angyiŋ baŋ a shrom ogbga ogbu ta la ondz ami a mbo a gbu nga moa a la a gno ŋa?

Eyi la e gro e gbu ozhẽ e dzu eka moare la a yga odlo ba Ahogbrẽ a khwo nga, ba Eshitaŋ e ba e ngʼga lo e sku mo. Nga, e nyom mo a bmi ba adlidzi okyku o da mo a hwiŋ oshla mbo.

Ekployaŋ a mbo moa a kpo lo a ghre le, é gbu edzi pyeŋ. Nga ekployaŋ a mbo ba moa a pre lo odga, é gbu edzi.

Ashe lo a ka ba ekplo baŋ a kpo e ghre e gbu mbo, okyku eka he a ba la egʼba ezhgara, nga a kŋe a shki obiŋ egi ayi ba Eyesu. Egi ayi areyaŋ a mbo nga, a lu ekplo la e daŋ a tka ŋa a daŋ, nga a lu eka baŋ a gba a shaŋ. Eyesu a nyuŋ ŋa a lu mi le, Anwye-alashle me, obmi ba adlidzi boŋ o shaŋ ŋo. O yi eŋo la eso ekyle.

Moanwyeotum a ba okro ba Eyesu nga moa a kso ŋa enu. Moa a bzi ŋa a lu mi le, Andakʼpo, Andakʼpo! O ka, agi e kpo e jyijygi ba! Eyesu a kso nga a shrom ogbga ogbu ta la ondzami a da lo o dum. O tspi o khwo nga, okro o dum.