Populære bibelvers fra MATTHAI 7

Del

“Bih lah m'peek ai, tlap lah na huh ai, khooek lah thawhka avan awng ai.

A-u khaw aka bih tah a peek ai, aka tlap lawngtah a huh vetih thawhka aka khooek tah a awng pe ai.

“Tedawngah a-u khaw ka awl a yaak tih aka vai tah lungnu dawngah im aka sa thlaangcuih oen lo u.

“Thlaangtloe lawng na sawah thaihu theen sai seh tila na ngaih van angla thlaangtloe tengah sai van lah; He tah Mosi Phungawl oen tawngha thli kah thuituen ngaihna tangtang ni.

Tede hingna thawhka tah ceek tih a cehna lawngpui khaw rai tangkiik tih thlaang ayawlca bueng lawng a huh.

“Thawhka ceek khuiah kuun u lah, metihtiah hell thawhka tah kau tih cehna lawngpui khaw yoei koek doek la a awm dawngah thlaang yahawh lawng a vai u.

Thlaangthe la na awm u de na ca thli te thaihu theen peek ham na ming u atah van ah aka awm nangmi na Pa lawng aka bih thli tengah metihtlukla thaihu theen te a peek tare ai.

“Pathen lawng awl n'cekna nawh hamla thlaangtloe te awl cek boel, Thlaangtloe awl na cek van angla Pathen lawng nang te awl n'cek van ai, Thlaangtloe sawah nuehtahna na hawna van angla na sawah Pathen lawng a hawna van ai.

“Tede a-u khaw ka awl a yaak tih aka vai nawh tah divin dawngah im aka sa thlaangngau oen lo u.

N'tu ah namah mik ah thingboeng aka awm te huh ohla na maya manau mik ah aka awm muenmawi adiikca mai te na huh. Namah mik ah thingboeng a awm lal maiah metila na maya manau mik ah aka awm muenmawi te kavan lo ai na tina mai lauh?

“Tawngha rawlrap hue te ngaithuen uh; Ahimi lawngah nangmi tengla te ahan huhna atah tuu angla law u vetih a thinkaw khui atah metaang tluung angla awm u ai. Nangmi lawng ahimi te athaih oen na noek ai. Thliingkung lawng misur thaih nooek nawh tih thliingkung dawngah thaidut khaw thaih nooek nawh.

Thingkung theen lawng athaih theen thaih tih thingkung the lawng athaih the thaih van.

Thingkung theen lawng athaih the thaih nooek nawh tih thingkung the lawngkhaw athaih theen thaih nawh.

Athaih theen aka thaih nawh thingkung boeih te a vung tih hai dawngah a phuum u.