Populære bibelvers fra Marcos 8

Del

Ex alkye jun xjal o'kx tok tk'u'j ti'j tu'n tten tchwinqlal twitz tx'otx', mlay tkamb'a aju chwinqlal in tzaj tq'o'n Dios; ex alkye jun xjal tq'on tib' tu'n tnaj tchwinqlal twitz tx'otx' noq tu'n nlaje ex tu'n tlaj tqanil kolb'il, ok tkamb'a' aju chwinqlal in tzaj tq'o'n Dios.

Ex ¿ti tajb'en te xjal qa ma tkamb'a tkyaqilju at twitz tx'otx' ex qa ma naj tanmi?

E tzajtzun ttxko'n Jesús qe xjal kyuk'ix qe t-xnaq'tzb'en, ex xi tma'n kye: —Qa at jun xjal taj tu'n tok lpe' wi'je, xk'ayink tib' teju tex tajb'il, q'inx tcrus, ex lpe'k wi'je.

Ex ¿alkye b'a'n t-xi tq'o'n xjal te chojb'il tu'n tklet tanmi? Ex alkye ma ch'ixwi wi'je ex ti'j nyole kyxol qe xjal ate' tuj tq'ijlalil ja'lo ma tz'el kypa'n kyib' ti'j Dios ex aj il qe, ax ikx weye, chin jawil ch'ixwiye ti'j ok wule in chin qoptz'aje tu'n t-spik'umal Nmane ex kyuk'ix qe anjel xjan wuk'ile, aqine sk'o'maj qine tu'n Dios tu'n ntene kyuk'il xjal.

Xitzun tqanin Jesús kye: —¿Yajtzun kyeye, alkye qine tuj kywitze? Xi ttzaq'we'n Pedro: —Aya ju Crist aju at toklen tu'n Dios.