Populære bibelvers fra Juan 17

Del

Pa'n ela qe tu'nju tyola axix tok, tu'ntzun kyajb'en o'kx teya; aju tyola axix tok.

Ex atzun chwinqlal jlu te jumajx, tu'n tojtzqinjtza kyu'n, o'kx aya jun Dios axix tok, ex tu'n wojtzqinjtze kyu'n, aqine Jesucrist ma chin tzaj t-sama'na.

Mya o'kx kyi'j jlu chin kub'sale twitza, ax ikx chin kub'sale kyi'j txqantl ok che okslal wi'je noq tu'n kyyol. Chin kub'sale twitza tu'n tok junx kyximb'etz kykyaqil, ik tza'n teya ata wuk'ile ex atine tuk'ila, Tat; ikxtzun kyeju tu'n kyten junx quk'il, tu'ntzun t-xi kyoksla'n kykyaqil xjal qa aya ma tzaj samante weye.

Minti' in chin kub'sane twitza tu'n kyaj ti'na tu'n mi'n kytentl twitz tx'otx', noq o'kx tu'n kyok tkwentina tu'n mi'n tkub' kyi'j tu'n tajaw il.

Ik tza'n weye ma chin jaw tnimsa'na, ax ikx kye ma che jaw nnimsa'ne tu'ntzun kyok junx, ik tza'n qe junx qo'. Aqine kyuk'il, ex aya wuk'ile, tu'ntzun kytenxix junx kyximb'etz, tu'ntzun tel kynik' kykyaqil xjal ti'j qa aya tzaj samante weye, ex ma che tk'ujlaya ik tza'n weye ma chin tk'ujlaya.