Populære bibelvers fra Génesis 15

Del

Xi toksla'n Abram tyol Qman, ex kyja'tzun ok q'o'n te tz'aqlxix tu'n

Tb'ajlenxi tkyaqil jlu tzaj tma'n Qman te Abram ik tza'n tuj jun witzik', ex tma kyja': —Mi'n xob'a Abram. Aqine kolol teya, ex nimxix chojb'il teya ok tk'ma'ya wu'ne.

Etztzun ti'n Qman Abram ttxa'n pe'n ex tzaj tma'n te kyja': —Ke'yinxa twitz kya'j ex ajlanxa qe che'w, qa jaku b'ant kyajlet tu'na. Tzaj tma'ntl te kyja': —Kyja'tzun k'okel kyajlal tiyjila, chi Qman.

Tzajtzun ttzaq'we'n Qman te kyja': —Mya ate Eliezer k'okel tajwil aju at teya. Ax jun tky'ajala k'okel te etzal, chi Qman.

Tmatzun Qman te Abram kyja': Tz'elx tnik'a ti'j, qe tiyjila che ul itz'j te tib'ajxi, che okel te stranjer xjal tuj juntl nasyon, che okel te majen xjal ex che b'ajel yajla'n kyu'n tuj kyaje syent ab'q'i.

Xitzun ttzaq'we'n Abram kyja': —Nman Dios, ¿Ti tajb'en weye tu'n ttzaj tq'o'na jun chojb'il weye ex minti' jun nk'wa'le at? Ex aju nmajene Eliezer aju aj Damasco, atzun k'elel etzante tkyaqilju at weye.

Axtzun q'ij lu kyaj b'ant ti'j jun yol tu'n Qman tuk'il Abram, ex tma Qman te kyja': Aju tx'otx' lu kxel nq'o'ne kye tiyjila che ul itz'j te tib'ajxi, max ktzajel qe' tmojonil ttzi nima Egipto ex kpol b'aj max ttzi nima Éufrates.

Tb'ajlenxi kyaje syent ab'q'i, che ajetz meltz'aj qe tiyjila tu'n kyul juntl maj tzalu, tu'nju na'nx tchmet kyil qe aj Amorreo, chi Qman.