Populære bibelvers fra Kuyamba 3

Del

Nkaziyo paadawona kuti mutiwo niwabwino kudya, pomwe kuti ukhawoneka bwino m'maso, ukhachitisa kuti munthu achenjele, adatola n'chelo wamutiwo nkudya, adapasambo mwamuna wake, iyembo nkudya.

Tsapano nyoka ikhadachenjela kuposa nyama zentse zan'thengo zidalengewa na Chawuta Mulungu. Iyo idati kwankazi, “Ko Mulungu adalewa kuti, ‘Leka kudya michelo yamiti yam'munda muno?’ ”

Nin'zayikha chizondo pakati payiwe nankazi, pakati pawana wake nawana wako. An'zaphwanya nsolo wako, iwe un'zaluma chithatha chake.”

Kwankazi adati, “Nin'zathimiza kuwawiwa panthawe yawumphata pathupi, napanthawe yawun'zabala wana, koma un'zakhala uchifuna mwamuna wako, iye an'zakutonga.”

Mukaluma yapamaso pako ndimo mun'zachoka chakudya chako, kufikila wabwelela pantsi, pakuti ndiko kwawudatolewa, ndiwe dongo, un'zabwelela kudongo.”

Kwa Adhamu adati, “Nathangwe lakutetekela fala lankazi wako, pomwe nakuti udadya n'chelo wamuti wandidakuwuza kuti, ‘Leke kuwudya,’ dziko latembelelewa thangwe layiwe, un'zashupika kwene-kwene kuti uwone chakudya chinchoka m'mwemo, ntsiku zawumoyo wako wentse.

Mulungu adati, “Mbani wakuwuza kuti uli pezi, ko wadya nchelo wamuti wandidakuwuza kuti uleke kudya?”

Iye adachosa munthuyo, nkuyikha makherubhi nabhemba likhang'ayima chakumabveladzuwa kwamunda wa Edheni, kuchichinjiliza njila ikhayenda kumuti wawumoyo.

Munthu adapasa nkazi wake dzina lakuti Eva, pakuti ndiye akhali amayi wawanthu wentse wamoyo.