Populære bibelvers fra Genesis 15

Del

Tinmapod hi Abram han GINOO ngan tungod hini nalipay ha iya an GINOO ngan ginkarawat hiya.

Katapos hini nagkamay-ada panan-awon hi Abram, ngan hinbatian niya an GINOO nga nagyayakan ha iya, “Ayaw kahadlok, Abram. Pananalipdan ko ikaw ha kataragman, ngan dako kaupay an balos nga ihahatag ko ha imo.”

Gindara hiya han GINOO ngadto ha gawas ngan ginsiring, “Tan-awa daw an langit ngan ihapa an mga bitoon; magkakamay-ada ka sugad hito ka damo nga mga tulin.”

Niyan hinbatian na liwat niya an GINOO, “Diri manununod han imo mga hiagi ini hi Eliezer nga oripon; an imo kalugaringon nga anak nga lalake amo an imo magigin manurunod.”

Nagsiring ha iya an GINOO, “An imo mga tulin mahihimo nga mga lumalangyaw didto hin lain nga tuna; maooripon hira didto ngan pagtatalumpigoson hira sulod hin 400 ka tuig.

Kundi binmaton hi Abram, “O Ginoo nga DYOS, ano man nga kaupayan an akon makukuha han imo balos, kay waray ko man mga anak? Amo la hi Eliezer nga taga-Damasco an akon manurunod.

Ngan dida ngahaw naghimo an GINOO hin ginsaaran kan Abram. Nagsiring hiya, “Nagsasaad ako hin paghatag ha imo mga tulin hini ngatanan nga tuna tikang ha pag-ultan han Ehipto ngadto ha Salog han Eufrates

Maagi anay in upat nga mga katulinan san-o bumalik nganhi an imo mga tulin, kay diri ko paiiwason an mga Amoreohanon tubtob nga magmaraot na gud hira hin duro nga kinahanglan na pagkastigohon ko hira.”