Populære bibelvers fra Luuk 8

Del

Be ŋaai ale lo tɛŋ naluŋku po la, a nye ase ka baai ale wom ŋa ale ta ŋa ba suiniima po a va ŋa nalimnyiini ale a zuli wa ale a tom tuimaŋsa la.

Be ŋaai ale lo munsaŋa po la, a nye ase ka baai ale wom ŋa alege tɛŋka po wieŋa popolaŋa ale ba ligra yaalika yegayega ale ba ŋanyaalika, ŋala meena a dɛ ka Wen wieŋa ate wamaŋ an baga nyini ŋa po a nyini.

Be ŋaai mɛ ale lo tintanaŋa po la, a nye se ka baai ale wom ŋa ate ba sue peenti alege ŋa kan jo ba suiniimaŋa po nalimnyiini la. Ba yaa va ŋa maga dega, alege nyenyaka a dan jam ba jigi Wen wieŋa vaka nyiŋ, ba nyiem deri pai ŋa vaka a basi.

Yeezu yaa bek wa ŋaaŋviirɔma ayen, <<Ni siaka a bo ka bɛ?>> Ku yaa cha ba ate ba kpaziim a nak ate ba yaa weeni chaab ayen, <<Nuruwa de, ka wana ate wa baga a biisi ale vioku ale nyiamu ate ba a wom wa nɔiya?>>

Be ŋaai ale lo suiku po la ka nuru baai ale wom Wen wieŋa la, ate jabiok a yaa jam jo ba suiniimaŋa po a pai ŋa ta nyini ate ba kan nya suik a siak a te ŋa a nya varibasika.

Wari karo a suk ate di kan nyini peelim ate nuruba a nya, yaase wari karo a chim wasusugi ate di kan nyini peelim ate waai meena a seba.

Nipowa ale miŋ ayen Yeezu miŋ kama la, wa yaa nyini ate wa nyiŋka a gɔk a lo Yeezu niŋ a weeni ate waai meena wom dii nyiŋ ale soa ate wa tiri Yeezu a deri nya nyiŋyɔgsa la. Yeezu yaa weeni wa ayen, <<M lie, fi siaka a basi kama ate fi nya nyiŋyɔgsa, be cheŋ ale suiyɔgni.>>

Ba yaa nak Yeezu a yiri a weeni wa ayen, <<Ti Kpagi yaa, ti Kpagi yaa, ti boro a kpi kama.>> Yeezu yaa yiti a weeni vioku ayen ku basi abe nyiamu a nye balaa. Vioku a yaa deri basi ate nyiamu mɛ a baliŋ.