Populære bibelvers fra Piilimka 1

Del

Wen yaa ŋman weeni ayen, <<Ni te ti nye nuru ase tidek la ate wa a neensi ti ate wa a nya nyakpiemu jumaŋa ale nuinsaŋa, ale bo wenzukku la ale duŋsaŋa ale bo tɛŋka zuk ale ŋan baai meena ale vuuri a cheŋ la zuk.>> Dila Wen yaa nye nuru ase wadek la, wadek ale ka diila ate wa nye wa, nidoa ale nipok ate wa nye.

Wen a niak ba ale weeni ba ayen, <<Ni biak a sueri tɛŋka a nya ka zuk. Ayen ba a nya jumaŋa ale bo nyakpiemu po la, ale nuinsaŋa ale bo wenzukku la, ale ŋanvutaŋa meena ale a cheŋ tɛŋka zuk la.>>

A nyini piilimka po ate Wen a nye wenzukku ale tɛŋka la.

Tɛŋka a jam ka magsa ale chim tɛŋ koruk. Legi nna kpitɔ ale jam a lik nya liuŋtaŋa ate Wen Chiika a yaa bo nyiamu zuk a ja.

Ate Wen yaa weeni ayen, <<Ku be nyaksi a nya,>> ate ku yaa a nya.

Wen yaa nya wa ale nye dii meena la ate ku nala te wa. Ate saluik ale junɔi a ŋman boro. Da dila a saari ka daa ŋayuebi.

Wen a nya ayen, ku la a nya la a nala, ate wa gaari nyaka legini po.

Wen yaa weeni ayen, <<M pai ŋan bie meena ale nyini tɛŋka a biak ŋmaa bɛ la ale tiisa meena ale a yɔni yɔna a te ni ayen ba chim ŋandiinta te ni.

Wen yaa wi ku le nyaksi a nya la ayen kantueŋ ale a wi legini ayen yok. Ate saluik ale junɔi yaa deri boro. Piilimka danni jam le la.

Wen yaa ŋman weeni ayen, <<Basi ate peelim a bo nyaataŋa suŋsuŋ a gaari ti tɔgatɔga.>>

M pai duŋsaŋa ale nuinsa ale ŋan baai meena ale bo tɛŋka zuk a cheŋ ate ba ta nyuvuri la te ni. M pai va sobta meena a te ba ayen ba chim ba ŋandiinta.>> Ate ku nye dila.

Wen yaa ŋman weeni ayen, <<Basi ate ŋan nyaksinta a bo wenzukku a gaari yok ale kantueŋ. Ŋan bala mɛ ale ba gaari wenkarik ale yoei ale daa ale bena.

Wen yaa weeni ayen, <<Basi ate ŋanta tɔgatɔga ale tiisa a nyini tɛŋka zuk ate ba a yɔni yɔna a ta bie a va ba buuni ale ka diila.>> Ate ku nye dila.

Wen yaa nye peelimmu a poori wenzuk nyiamu ale tɛŋzuk nyiamu. Ate ku nye va wa le weeni diila.

Ate ŋanta tɔgatɔga ale tiisa a nyini tɛŋka zuk a yɔni yɔna a ta bie a va ba buuni ale ka diila. Wen yaa nya ate ku nala te wa.

Wen a nye ka ŋan nyaksin kpienta baye wenbinni ale chiika. Wenbinni ale soa kantueŋka ate chiika a soa yokku. Wa nye chiŋmarisaŋa mɛ.

Wen yaa ŋman weeni ayen, <<Basi ate nya buui ale bo tɛŋka la a chuiri ga duek jigi yeŋ ate tɛŋ kosik a nya.>> Ate ku nye dila. Wen yaa wi tɛŋ kosikka ayen tɛŋ alege a wi nya tii ale chuiri dua jigi yeŋ ka la ayen nyakpiem. Wen yaa nya ate ku nala te wa.

Wen yaa niak ŋantaŋa ale weeni ayen ba biak abe ba wɔgri a sueri nyiamu po meena abe nuinsaŋa a wɔgri a sueri tɛŋka.

Wen ŋman weeni ayen, <<Basi ate ŋanvuta tɔgatɔga a bo tɛŋka zuk, yeri duŋsa, ŋan baai meena ale vuuri a cheŋ ale gɔi duŋsa ba meena ba tɔga ba tɔga.>> Ate ku nye dila.

Wen yaa ŋman weeni ayen, <<Basi ate nyiamu a ta ŋanvuta abe nuinsa a yiri wenzukku.>>

Wen a nye gɔi duŋsa buuni ale yeri duŋsa buuni ale ŋan baai ale vuuri a cheŋ la buuni. Ate Wen nya ate ku nala te wa nna yegayega.