Populære bibelvers fra MARK 6

Del

Ciwi anyi kejon na gho nu bvü keben ghena mathu na mnan nu dsajjükeya tsü la nmula saben. Tsalina Jisu na mathu wi kiza, “Ghalo, ikhang ketan nyu nkemi pen kesü wi wa nu ciwi nthu ya mnanya thsü na.”

Jisu na mathu wi kiza, “Atusenjüh-kechü kesü tsüna ma kahang nyuti wi ma shilithu nu ma theghithu jawi ketan khe kahe wi tsüdila ma nyuwakü den.”

Jisu na ahun wina shhugho anyitenti muya nan mathu cüki meshen pi ma leben güccüya, kepaghenanye mathu na khaghaneni ma kehiewa nkemi ti kesa. Tsalina ma pala kejon pi mathu sansi shhu.

Ma ciwi ma kwen chang pi kesakinaathu kezeng-u miwi chi nu mehaikeya tsü ketan khe amankesa kejon kuli meya. Anyithu na kenondi nkemi ghena ma amansa. Tsaseng wi Jisu na tsü kevü anyuthu wi wa nu nyu sansi.

Tsaseng wi Jisu na amesa be manga nu anga ben keni tsü khuya nu tang wi ghang nu Anyiza wi kesawegü khiechi. Ma amesa tsü pakhhi nu pi sansikeyathu cü nu pi anyithu gishüya thsü. Ma anga ben keni tsü la pi mathu gishüya thsü. Mathu tsüdila dsa pi anonkwen ntsa saya. Tsaseng wi sansikeyathu na amesa nu anga kedsatu tsü ashijü taghakeni saghuya.