Populære bibelvers fra Yauhaas 1

Del

Txawm yog le ntawd los cov tuabneeg kws leeg yuav nwg hab ntseeg nwg; nwg pub puab muaj cai lug ua Vaajtswv cov mivnyuas.

Thaus tsi tau tsim lub nplajteb, Txujlug yeej muaj nyob lawm; Txujlug ntawd ibtxwm nrug Vaajtswv nyob, hab Txujlug ntawd yog Vaajtswv.

Qhov kaaj ntawd ci tuaj rua huv qhov tsaus, hab qhov tsaus laum tsi tau qhov kaaj kuas tsaus.

Txujlug ntawd tau lug yug ua tuabneeg, nwg muaj koob moov nplua mag, nwg yog qhov tseeb, hab nwg nrug peb nyob. Peb pum nwg tug tshwjchim ci ntsaa ab, Leej Txiv pub tug tshwjchim ntawd rua nwg, rua qhov nwg yog leej Txiv tuab leeg Tub.

Vaajtswv kuas nwg tsim ib puas tsaav yaam huv tuabsi; ib puas tsaav yaam ntawd tsi muaj ib yaam kws tsi yog nwg tsim le. Txujlug ntawd yog lub hauvpaug txujsa, hab txujsa ntawd yog qhov kaaj rua tuabneeg pum kev.

Nub tom qaab, Yauhaas pum Yexus taug kev tuaj rua ntawm nwg, Yauhaas has tas, “Tug nuav yog Vaajtswv tug Mivnyuas yaaj kws yuav ris tuabneeg nplajteb lub txim!

Txujlug ntawd tub lug nyob huv nplajteb nuav lawm, hab Vaajtswv kuas nwg tsim lub nplajteb, tabsis tuabneeg nplajteb tsi paub nwg. Nwg lug rua huv nwg lub tebchaws, tabsis nwg tsaav tuabneeg tsi leeg yuav nwg.

Qhov kaaj ntawd yog qhov tseeb kws lug rua huv lub nplajteb nuav hab ci rua txhua tsaav tuabneeg pum kev.

Vaajtswv muab txuj Kevcai rua Mauxes qha rua peb, tabsis Yexus Khetos qha txujkev hlub hab qhov tseeb rua peb.