Populære bibelvers fra San Juan 4

Del

Díos mé tꞌikonhñani, kjánchó ti sin tjikosáyehe chꞌan mé ticháxi̱n kaín a̱sén sin tsjikosáyehe sin chꞌan éxi tjinkaon Ncha̱kuén chꞌan.

Ndá ó itsi ti ña̱o, la ti ña̱o a mé ijie, la ti sin chaxín tjinkaon tsjikosáyehe Itꞌéni Díos la chaxín kaín a̱sén sin tsjikosáyehe sin ti jehe chꞌan, kixin Díos mé tóxríhi̱n kixin xi̱kaha tsjikosáyehe chojni ti jehe chꞌan.

A̱ndá ti nkexro itsꞌi ti ìnta̱ tsjánjua janhan, la í tsꞌenhña sin ìnta̱ ínaá, kixin ti ìnta̱ tsjánjua janhan la mé tsꞌóna éxi ìnta̱ tjetꞌaxrje nkaya a̱sén sin, la tíha tsjajon ti kjuachón nkochríxín.

Ndá ndáchro chꞌin Jesús: ―Ti chrókónoha ti nkehe tjajon Díos la ko chrókjuatso̱an ti nkexro tjetjáncháhá ìnta̱, ndá jaha chrókjuanchehé chꞌan ìnta̱, la jehe chꞌan chrótjáha chꞌan ti ìnta̱ tjechón nkochríxín.

Kjánchó ndáchro chꞌin Jesús: ―Ti ixra̱ si̱tꞌa la ko si̱ntaxiteyá ti nkehe kꞌue̱to̱an ti nkexro ichrꞌán ti janhan, mé tíha ti nkehe sinie janhan.

Ndá ti tjan samaritana la ndáchro: ―¿Xá nkexrín tsjánjua ti ìnta̱ kixin chontahya chontahya nkehe tsakítsjexián?, la ti pozo i la imá ni̱nka. ¿Xá nketí tsjikákjáxian ti ìnta̱ tjechón tsjánjua?

A̱ndá ndáchro tjan: ―Ó noheni kixin itsi ti Mesías, ti Cristo. Ti ó itsi chꞌan mé tsochronkaxín chꞌan kaín nkehe ―ichro tjan. Ndá ndáchro chꞌin Jesús: ―Ti nkexro a mé janhan, ti nkexro tetjua ijie.

―Ìntára sátsjitsjeheni ijnko nkexro chronka kaín ti nkehe kjui̱tꞌa senó. ¿Xá chrókójehya tíhi ti Cristo ní?