Populære bibelvers fra San Juan 1

Del

Kjánchó kaín ti nkexro kuitekaon ti jehe chꞌan, mé kjuajon chꞌan kjuachaxin kixin tsꞌóna sin xje̱en Díos.

Ti xránkíxixín na̱xa̱ kꞌónahña chjasintajni, mé xráxín itjen ti itan, la ti itan mé kjuákꞌeko Díos, la ti tan mé Díos tíha.

Ti xrohi í mé tꞌinkaséñaxín ti sítie. A̱ndá ti sítie la tjinkaon chrókókꞌanka, kjánchó kjuachahya.

A̱ndá ti nkexro a mé kꞌóna éxi ijnko chojni chjasintajni la kjuákꞌenkákjan chꞌan ti jeheni, la kꞌuíkoni ti kjuachaxin ijié chónta chꞌan, kixin jehe chꞌan ti nkoko̱axón Xje̱en Díos, la ko jehe chꞌan imá tjue̱hé chꞌan chojni la ko chaxín ndoá nixja chꞌan.

Kaín ti nkehe siín ijie la ti nkexro a mé kꞌónaxín. A̱ndá ti chrókójehya ti nkexro la ninkehó ti nkehe siín ijie la chrókꞌónahña. Ti nkexro a mé kjuajon kjuachaxin kixin tjejóchón kaín nkehe, la ti kjuachón mé ti xrohi tsꞌinkaséñexín kaín chojni chjasintajni.

A̱ndá ti ña̱o chrꞌéxi̱n mé kꞌuíkon chꞌin Juan kixin ikui chꞌin Jesús. Ndá nixje̱he̱ chꞌan ti sin tsíkóchjina, ndáchro chꞌan: ―Tsjehéra, tíhi ti Kolélo kuènté Díos, tsakjìin iji̱é kaín chojni chjasintajni.

Kjuákꞌe chꞌan ntihi la kjónté jehe chꞌan kjuíchꞌénaxín Díos ti chjasintajni, la kjuátso̱anhña chojni ti jehe chꞌan. Ikui chꞌan chjasintajni, la ti sin chjasin kuènté chꞌan la kuitekakuenhña sin ti jehe chꞌan.

A̱ndá ti xrohi chaxín tsꞌinkaséñaxín kaín chojni chjasintajni la ó ikui.

Ti nkehe tsíkꞌe̱to̱an Díos mé tsíkꞌayéhe̱ Moisés kixin tsochronka. A̱ndá Ìnchéni Jesucristo mé kjuako nkexrín tjue̱he Díos ti jeheni la ko ti nkehe chaxín ndoá.