Populære bibelvers fra TAUNET 1

Del

Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.” Ki toi anyun Kamuktaindet koyai chiito eng' itoondonyi, ki toi koyai chiito eng' itoondap Kamuktaindet; ki toi koyai muren ak tye.

Ki iberuur `Kamuktaindet icheek ak koleenji, “Oiiye ak otesage si onyi ng'wony ak obou; olaitorane njireenik che po nyanjosyek, toriitik che po parak ak kiy age tugul ne sabei ne wendote ng'wony.”

Eng' taunet, ko ki toi Kamuktaindet koyai kipsengwet ak ng'wony.

Ki ma komi kiy ng'wony ak ki ma kotinyei itoon age tugul. Ki mi mesundeito paragutap rireet ak ki wendoti Kabuusetap Kamuktaindet eng' paragutap peek.

Komwa Kamuktaindet kole, “Ingolapkeiit” ak ki lapkeiit.

Ki keer anyun Kamuktaindet tuguuk tugul che kiga koyai kole myachen miising'. Koimen ak koeech, peetuut ne po lo.

Kogeer anyun Kamuktaindet lapkeiyet kole myee, koobeesyo lapkeiyet ak mesundeito.

Yeityo komwa Kamuktaindet kole, “Ogeero, kaagoonok keetiik alak tugul che po timiin che tinyei kesweek che mi paragutap ng'wony ak keet age tugul ne tinyei logoekyik kesweek, koek amitwogikwok.

Ki kuure Kamuktaindet lapkeiyet Peet ak koguure mesundeito Kemoi. Koimen ak koeech, peetuut ne tai.

Komwa Kamuktaindet kole, “Ingobiit soet eng' kwenutap peek, si koobeesyo pei ak pei!”

Kaagoochi anyun keetiik alak tugul che nyaliileen koek amitwogigap tyony age tugul ne po ng'wony, toriitik alak tugul che po parak, ak kiy age tugul ne ichuutegei ng'wony ne tinyei kabuusetap saboondo.” Ak kiyaak ko uu nooto.

Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek

Komwa Kamuktaindet kole, “Ingobiityo tugun eng' ng'wony: keetin alak tugul che po timiin che yiei kesui, ak che po logoi che tinyei kesui ko uu kergeindonywa”, ak kiyaak ko uu nooto.

Koyai Kamuktaindet soet si kobesyee peek che mi kurereetap soet ak che mi paragutap soet. Ak kiyaak ko uu nooto.

Ki piityo anyun tuguuk eng' ng'wony, keetiik alak tugul che po timiin che yiei kesweek ko uu kergeindonywa, ak che yiei logoek che tinyei kesweekwak ko uu kergeindonywa. Ak ki keer Kamuktaindet kole myee.

Koyai Kamuktaindet tuguuk aeng' che eecheen che iluu, si kobiit koboi ne oo peet, ak koboi ne ming'in kemoi. Ki yai kecheik ak icheek.

Komwa Kamuktaindet kole, “Ingoyumjigei peek komosta agenge che mi kurereetap kipsengwet, ak ingotook ng'wonyut ne ma mi pei.” Ak kiyaak ko uu nooto. Koguure Kamuktaindet emet ne ma mi pei, Ng'wony, ak koguure peek che kagoyumgei, Nyanjosyek. Ki keer anyun Kamuktaindet kole myee.

Ki iberuur anyun icheek koleenji, “Oiiye ak otesage onyi peegap nyanjosyek, ak ingotesagis toriitik eng' ng'wony.”

Komwa Kamuktaindet kole, “Ingobiit eng' ng'wony tuguuk che saptos ko uu kergeindonywa: kiyagiik, tyong'ik che ichuutegei ng'wony ak tyong'ik alak che po ng'wony ko uu kergeindonywa.” Ak kiyaak ko uu nooto.

Komwa Kamuktaindet kole, “Ingochang'a ak koek ng'iisyat tuguuk che saptos eng' peek, ak ingotirirenso toriitik eng' paragutap ng'wony ak eng' soet parak.”

Ki yai anyun Kamuktaindet tyong'ik che po ng'wony ko uu kergeindonywa; kiyagiik ko uu kergeindonywa ak tyong'ik tugul che ichuutegei ng'wony ko uu kergeindonywa. Ak ki keer Kamuktaindet kole myee.