Populære bibelvers fra Yohanis 8

Del

Basa de Yesus kokolak seluk bali no hatahori noꞌuk kara nae, “Au ia sama leo manggaledok soa-neu hatahorir marai dae-bafok ia. Hatahori fo mana tungga Au ta leo-laꞌo nai makiu-makahatuk dale, tehuu ana leo nai manggaledok mana neni masodak tetebes.”

Boe ma ei bisa bubuluk mala basa hata fo ndoos. Ma basa hata fo ndoos sara raa, sira rakamboꞌik ei, fo hae bei dadi ata-dato bali.”

Basa boe ma Yesus nafada hatahori Yahudir raa fo mana ramahere neu Ndia nae, “Mete ma ei leo-laꞌo makaesa mia Au Dedeꞌa-kokolang nggara, ma ei manori makandoo numa Au mai, na, ei dadi miu Au ana nuning tetebes.

Dadi mete ma Au, ndia Manetualai Anan, koka heni ei sala-singgom mara, na, ei hambu nekemboꞌik ena, ma ta dadi miu sala-singgok ata-daton ena bali. No dalak naa, ei hambu nekemboꞌik tetebes, ma hae tungga sala-singgok hihii-nanaun bali!

Ara ratatanen rakandoo. Boe ma Ana nambariik, de nafada sara nae, “Talo ia. Mete ma numa ei mai hambu see ta tao nita salak, na, ana ndia toko batu nakahuluk fo hukun inak ia.”

Boe ma Yesus nafada sara nae, “Hata fo Au kokolak naa, tetebes. Basa hatahori fo mana leo-laꞌo tao sala-singgok kara, dadi sama leo ata-dato esa ena fo tungga kada sala-singgok hihii-nanaun mesa kana.

Yesus nambariik bali, de natane nae, “Wee? Ara rai bee? Ta hambu hatahori laen nai ia fo nau fee salak do hukun o, do?” Boe ma ana naselu nae, “Taa Papa.” Basa boe ma Yesus nafadan nae, “Au oo, ta nau hukun o boe. Fali muu ngga leo. Tehuu masanenedak. Boso tao salak bali!”]