Populære bibelvers fra YAPHANG 17

Del

Abramni umor nokha bisi chukuchichuku phuru Subraiyung Abram bai nukjak kha tei bono hai hwnwi sa kha, “Ang Kwplaisa Kaitor; Ani kók khna di tei samung cha ya ta khlai di.

Nini mung Abram tong glak kha, tamo khe Abraham se wngnai; tamni hwn ba ang nono dopha kwbángmani bupha snam kha.

“Ang nwng bai ani swmaino narwknai tei mol brúmni bagwi nini bosongrokbo ang ani swmaino tẃinai. Ang nini tei nini bosongni Kaitor wngnai.

“Nai di ang nwng bai swmai tango, nwng kwbángma bosongni bupha wngnai.

Kaitor hai hwnwi sa kha, “I’nhi, kók khe ahai, nini hik Sara bwsa chwla khoroksa mannai tei nwng bono Isak hwnwi mung phar di. Ang bo bai khe tei bini ulni bini bosongrok bai khe mol brúmni bagwi swmai tangnai.

Nwng tabuk Kanan ha-o tongwi tongo, o hano ang nono tei nini thinangni bosongno mol brúmni bagwi rwnai tei ang bórokni Kaitor wngnai.”

Hakhe Abraham ha-o botok khe klaiwi khulum kha tei bwkha bising bising mwnwiwi hai hwnwi sa kha, “Umor nokha bisi sarani borok chakra wngwi buda bwsa manno kho? Sarani umor nokha bisi chukuchi wngwi bo bwsa da man sino?”

Kaitor Abramno hai hwnwi sa kha, “Nwng tei nini nihik Saraino Sarai hwnwi ta ring si di, tamo khe bini mung Sara se wng sinai.

Nini sakurno ma ranai, abo’-no ang nwng bai swmai tang laimani a mari wngnai

Tamo khe ang Isak bai se ani swmaino songchanai, khali omo hai jora’-ono Sara nini bagwi bánai.”

Nini bisingni nokha salcharni borok wng khe’-no sakur ma ranai; nini núkhungo achainai, eba nini bosongni ya tamo khe phatarni nini nogo rang bai paiwi tubujaknai seleng bebak chwla bwsarokno, nini nogo achainai eba rang bai paiwi tubujaknai seleng phano sakur ma rajaknai.