Populære bibelvers fra Матфей 5

Del

Чарытхыны, тамызып алып, ідіс алтына сухпинчалар, че ол турада кізілернің полғанына ла чарир иде кӧріндіре турадыр. Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар.

Сірер чир ӱстӱнің чариизар. Тағ пазындағы саар чазын пола чоғыл.

Часкалығлар арығ чӱректіглер, олар Худайны кӧрерлер!

Часкалығлар орта нимее астап-сухсапчатханнар, Худай оларны тосхырар!

Мин, тізең, тіпчем сірерге: ыырҷыларыңа хыныңар, сірерні харғапчатханнарны алғап турыңар, сірерні хырт кӧрчеткеннерге чахсы хылыныңар, сірерні хыйыхтапчатханнарның паза хыйа сӱрчеткеннернің ӱчӱн пазырыңар.

Часкалығлар Хан Худайны киректепчеткеннер, олар Тигір хан-чирінилер!

Часкалығлар амыр хоных ӱчӱн тоғынчатханнар, олар Худай палалары адаларлар!

Часкалығлар ылғапчатханнар, Худай оларны часхарар!

Часкалығлар орта нименің ӱчӱн сӱрдіртчеткеннер, олар Тигір хан-чирінилер!

Часкалығлар паарсахтар, оларға даа Худай паарсир!

Часкалығзар, хаҷан Минің ӱчӱн сірерні, сӧклеп, сӱрчетселер паза сірердеңер чойланып чабал чоохтапчатсалар! Тигірде сірерні илбек тӧлег сағыпча, аннаңар ӧрініңер паза кӧглеңер. Сірернің алнында даа чуртаан ухаанҷыларны ідӧк сӱрҷеңнер.

Часкалығлар амыр хылыхтығлар, тилекей оларға пирілер!

Сірер – чирнің тузызар. Тустың ачии сых парза, аны ачығ хайди идіп аларзың? Ол, кізілернің азахтары алтына тасталып, типселердең пасха паза пір дее нимее чарабас.

Сірер, тізең, Тигірдегі Пабаңар осхас ӧтіре чахсы полыңар.

Сӧстерің «Йа» алай «Чох» ползын. Аннаң артых чоохтанғаны сайтаннаң.

«Кӧс ӱчӱн кӧс», «тіс ӱчӱн тіс», – чоохталғанын искезер. Мин, тізең, тіпчем сірерге: чабал итчеткен кізее тоғырланма. Че пірее кізі оң наағыңнаң сабысса, син ағаа сол наағыңны тут пир.

Оң харааң сині чазыхха сухчатса, ол харааңны, сығара тартып, позыңнаң хыйа тастабыс. Сағаа прай позыңны пӱкӱлге кӧйчеткен кӧлзер тастаттырғанҷа, идіңнің пірее ле чардығы чох иділзе, хай-хай чахсы полар. Оң холың сині чазыхха сухчатса, ол холыңны ӱзе саап, позыңнаң хыйа тастабыс. Прай позыңны кӧйчеткен кӧлзер тастаттырғанҷа, идіңнің пірее чардығы чох иділзе, сағаа хай-хай чахсы полар.