Populære bibelvers fra Mateo 5

Del

Nixta nditzijeꞌ jun lámpara, chin ta ndiyoꞌox chuxeꞌ jun cajón. Xa kin pariꞌ rukꞌojlibꞌel ndiyoꞌox ri lámpara chin ngeruyikꞌaj konojel ri ekꞌo pa jay. Keriꞌ kꞌa tiyikꞌan ri ikꞌaslen rix chikiwech ri wineq, chin tikitzꞌetaꞌ ri utz ngeꞌibꞌanalaꞌ, y keriꞌ ndikiyaꞌ ruqꞌij ri Tataꞌaj Dios kꞌo chikaj.

Ri ikꞌaslen rix achel chuqaꞌ luz ri nduyikꞌaj kikꞌaslen ri wineq. Jun tinamit ri kꞌo pariꞌ jun juyuꞌ, maneq cheꞌel man ta nditzꞌetetej.

Kin jabꞌel rokiqꞌij ri chꞌajchꞌaj kánima, Porque kin xtikitzꞌet ruwech ri Dios.

Kin jabꞌel rokiqꞌij ri bꞌaneq kánima chirij rukꞌuaxik jun chojmilej kꞌaslen chuwech ri Dios, Porque kin xtibꞌanatej wi ri ndikajoꞌ.

Pero riyin nibꞌij chiwa: Keꞌiwojoꞌ ri ngebꞌanun oyowal chiwa, y tibꞌanaꞌ orar koma ri ngixkitzeqlebꞌej chin ndikibꞌen itzel chiwa

Kin jabꞌel rokiqꞌij ri ndikinaꞌ chi eꞌaj mak y ndikꞌatzin ri kolotajik nduyaꞌ ri Dios chake, Porque pa kikꞌaslen rejeꞌ ndubꞌen reinar ri aj chikaj Dios.

Kin jabꞌel rokiqꞌij ri ndikitij kiqꞌij ndikitik uxlanen chikikajal ri wineq, Porque ri Dios kin xtubꞌij ralkꞌuaꞌl chake.

Kin jabꞌel rokiqꞌij ri ngeꞌoqꞌ chuwech ri Dios, Porque kin xtibꞌochiꞌix ri kánima.

Kin jabꞌel rokiqꞌij ri ngetzeqlebꞌex chin ndibꞌan itzel chake roma ri chojmilej kꞌaslen kikꞌuan, Porque pa kikꞌaslen rejeꞌ ndubꞌen reinar ri aj chikaj Dios.

Kin jabꞌel rokiqꞌij ri ngepoqonan, Porque rejeꞌ kin xtijoyowex kiwech roma ri Dios.

Kin jabꞌel roꞌiqꞌij rix, atoq ri wineq ngixkichapalaꞌ, ngixkitzeqlebꞌej chin ndikibꞌen itzel chiwa, y ndikitzꞌukulaꞌ xa achike na chi aqꞌ chiwij roma rix oqey wichin. Santienta kixkikot porque kin nim rajel-rukꞌexel ndiyoꞌox chiwa chikaj, porque keriꞌ chuqaꞌ xetzeqlebꞌex ri ru-profetas ri Dios ri xekꞌojeꞌ nabꞌey chiwech rix, y xyoꞌox nim rajel-rukꞌexel chake.

Kin jabꞌel rokiqꞌij ri ndikiqasaj kiꞌ, Porque chake rejeꞌ xtiyoꞌox ri ulew rusujun ri Dios chi nduyaꞌ.

Rix ngixkꞌatzin achel atzꞌan chin kikꞌaslen ri wineq, pero si ri atzꞌan ndikꞌis retzꞌamil, ¿achike kꞌa jun ta ndibꞌan chare chin nditzolij chi pe ri retzꞌamil? Xa ma jun chik ndikꞌatzin, xaxe chik ndiroqix e saqil chin ndiyeqꞌeloꞌox koma wineq.

Romariꞌ, tibꞌanaꞌ nojel pa ruchojmil achel ri aj chikaj Itataꞌ Dios ndubꞌen nojel pa ruchojmil.

Atoq rix ndibꞌij jaꞌn, kin ta qetzij chi keriꞌ, y atoq ndibꞌij naq, kin ta qetzij chi keriꞌ, porque si ndibꞌen jurar chin keriꞌ ngixtaqix, riꞌ xa rikꞌin ri itzel pataneq wi.

Rix iwakꞌaxan ri xbꞌix kan ojer: Ri ndisoko jun runaqꞌ-ruwech jun wineq, tisok chuqaꞌ jun runaqꞌ-ruwech rijaꞌ, y ri ndiqꞌajo e jun reyaj jun wineq, tiqꞌajox e chuqaꞌ jun reyaj rijaꞌ. Keriꞌ bꞌiꞌin kan. Pero riyin nibꞌij chiwa: Si kꞌo jun ndubꞌen jun itzel chawa, ma ndabꞌen rukꞌexel chare. Pa rukꞌexel chi keriꞌ ndabꞌen, si kꞌo jun ndutzꞌej ri rikiqꞌaꞌ aqꞌoꞌtz, tayaꞌ chi apu ri jun aqꞌoꞌtz chuwech.

Romariꞌ, si ri rikiqꞌaꞌ awech ndubꞌen chawa chi ngatzaq pa mak, tawelesaj y tatorij e. Porque más utz chi ndikꞌis ruqꞌij jun awech, ke xtitorix nojel ri a-cuerpo pa qꞌaqꞌ. Y si ri rikiqꞌaꞌ aqꞌaꞌ ndubꞌen chawa chi ngatzaq pa mak, taqꞌataꞌ y tatorij e. Porque más utz chi ndikꞌis ruqꞌij jun aqꞌaꞌ, ke xtitorix nojel ri a-cuerpo pa qꞌaqꞌ.