Populære bibelvers fra Markɛ̀n 6

Del

Anwrɔn hɔ̀n léyi kɛ hɔ̀n hɩ kɛ và nɔn cüɛn kakɔrɛ̀ hán tán kɩ Zhezü mán n'ɛsɛ̀nkɛn-bɔ̀ ke sɩ́ cɔ́ ɛnvra hɩ ká zî ɛci nɔn. Hɩ le kruhú de nɛ dɔ́ yɔ le: “Nyɛ́n và nyɛ́n cɔ́ mɛ̀n bɔ̀ hɔ́n ɛyri tramɛ̀n ô nyɛ́n wrɔncüe jan.”

Zɛtɛn Zhezü kɛ dɔ́ yɔ le: “Ɔwɔ-mùanwú-ankà-dɔ́-wrɔn ẅɛn ɛwá ɛyri lɔ fɛn, tɛ́n n'anmàn ɛnhi-wú-bɔ̀ mán n'ɛmɛ̀n-mɛ̀n-bɔ̀ kè sɩ̀ ẅɛ̀n n'ɛwá.”

Ɛnvra léyi Zhezü dú anhàka mɛ̀n kakɛ nɔn, nɛ̀n kán fɛcüè vri ndɔ lɔ; n'ɛnbɔrɛ lɔ ẅɛn obòtò y'ɛwú, ɔmuhi yɔ dù yɔ cá annɔ̀n hɔ̀n léyi kè sɩ̀ ẅɛn ɔkùa-wrɔn nɔn. Kɩ nɛ̀n bukru ne yé yɔ ankà bobrebe.

Hɩ le kruhú de Nazarɛtɛ̀n anmàn lɔ, Zhezü kè sɩ̀ hàn anvɛmɛ̀n-frɛ́n-ci zriɛmɛ́n, tɛ́n nɛ̀n di ɛnlɔẅiɛ-bɔ̀ jan ankɔrɛ̀ ɛwú kɩ nɛ̀n kɔrɛ yɔ. Kɩ y'ankàẅì-bùtan léyi yɔ sɩ̀ ẅɛ̀n hàn nɔn, kɛ frɛ́n nɛ̀n anvɛmɛ̀n. Zɛtɛn Zhezü hɔ́n anmàn hɔ̀n lɔ fɛn dú ɛtɛ̀sɛ̀n nɔn ke yé yɔ ankà.

Zɛtɛn Zhezü bɩ́ abùtùkumɛ́n ɛnrì mán ɛcàn anhyrɛ̀ lɔ, sɩ́ anvɛ̀ ɛwú fú ɛnshi kɩ tán Ɔwɔ ɔkùɛn. Nɛ̀n voyan abùtùkumɛ́n lɔ kɩ nɛ̀n tán n'ɛsɛ̀nkɛn-bɔ̀ kɛ̀ dɛ́ anwrɔn. Nɛ̀n dɛ́ ɛcàn anhyrɛ̀ lɔ mán nɛ̀n tán anwrɔn lɔ fɛn. Ɔwrɔn wrɔn zî ɛci, ɛmɛ̀ntɛ̀ yɩ̀. Ɛci léyi yɔ zî hɩ wɔrɔ nɔn, yɩ́ ankɛ ɛvà-anhyrɛ̀.