Populære bibelvers fra Markɛ̀n 13

Del

Anwrɔn lɔ fɛn ke le gbri nyɛ̀n m'ɛkruhú. Tɛ́n ɔwrɔn léyi kɛ lɛ ẅɛn nɛ̀n ɛshishiemɛ̀n hàn kɩ kɛ̀ cɔ́ ɛmɛẅitrɔ vra lɔ nɔn, nɛ lɛ cɔ́ ebɩdie.”

Nyɛ́n wá esùva ndà ke bɩ́ wri nyɛ̀n, ɔmuhi nyɛ́n sɩ̀ nyrì ɛnvra léyi ɛnbì lɔ kɛ lɛ cɔ̀ nɔn.

Kɩ ɛnvra léyi yɛ lɛ ẅɛn nyɛ̀n ye sɩ́ ɛmrɛ̀nci-bɔ̀ zìwú nɔn, ɛnkrɛ̀ta ke bɩ́ ku nyɛ̀n ny'ankà-dɔ́-mɛ̀n, tɛ́n ɛnvra lɔ mɛ̀n, ny'ankà-dɔ̀ lɔ ke le dú Ɛnhɛ́n Prɔnprɔn bɩ́mɛ̀n kɛ̀ lɛ và cɔ́ nyɛ̀n.

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.

“Ɛci hɔ̀n léyi kɛ lɛ wɔɛ̀n nɔn, ɔwrɔn zriɛmɛ́n kè sɩ̀ nyrì n'ɛnbì mán nɛ́n wacɛ̀n. Ɔwɔ-kùyüre-bɔ̀ léyi dú anhobɩ́ mán, ɔwrɔnẅì Ẅì mán, tɛ́n Ɔwɔ Zi zri kɩ nyri ɛnbì lɔ.

Ɛnvra léyi nyɛ lɛ yá anhà bobo, yɔ hɔ̀n léyi dú ɛtɛ̀sɛ̀n mán yɔ hɔ̀n léyi dú esùshe nɔn, ɛnkrɛ̀ta ke bɩ́ ku nyɛ̀n; ke ji le ɛci hɔ̀n lɔ yɔ vra kɛ̀ cɔ̀, tɛ́n ke sɩ̀ dú ɛnhibù trɔ vra.

Ɛvɛ̀ ke kpri nyɛ̀n ɔmuhi nyɛ́n sɩ̀ nyrì ɛnvra léyi ebɩ́-nɛ́n-zi ke le vru ɛmɛẅi kɛ và nɔn: Ke dú ɔwɔɛmɛ̀n hô, ke dú ɛnnyran wanzi hô, ke dú ɔkɔ̀sɔ̀ kù di mùan mɛ̀n hô, ɔsɔ̀wrɔ̀ hô, ke dú kɛ nɛ vá kprú hô, ke sɩ̀ ji le nɛ̀n cɔ́ nyɛ̀n ndà dá mɛ̀n. Ankà ndɔ lɔ mɛ dɔ́ nyɛ̀n nɔn, mɛ dɔ́ tán anwrɔn lɔ fɛn: Nyɛ́n kpri ɛvɛ̀!”

Fɛcüè tɔ̀n kɛ lɛ kɔ́n fɛcüè nyàntɛn tɔ̀n anhà, kɩ ɛnhi wú anmàn tɔ̀n, kɛ lɛ kɔ́n nɛ́n nyran ɛnhi wú anmàn anhà; ɛnhi kɛ lɛ jɔ̀kɔ́ ɛyri bobrebe; kɩ ebrè kɛ lɛ kɛ́. Ke le dù kɛ lɛ hán ɛnvrapkà ẅì-bî gbànkàn hɔ́.

Ɛnvrakpà ci léyi ke ji le nyɛ́n hán nɔn, ke ji le ɛnhibù múmù lɔ fɛn kɛ̀ cɔ́ Ɛmɛẅi ankà Ankrànkràn lɔ kɛ̀ yá.

Anwrɔn bobrebe kɛ lɛ và ke le bɩ́ m'ebɩ́ kɩ kɛ lɛ dɔ̀ le: ‘Mɛ̀n dú ebɩdie-wrɔn!’ Kɩ yɛ lɛ frɛ́n anwrɔn bobrebe.

Tɛ́n ke ji le nyɛ́n wá nyɛ́n dùku ny'edomɛ̀n esùva. Ɔmuhi anwrɔn ke le sɩ́ nyɛ̀n ɛmrɛ̀nci-bɔ̀ zìwú nɔn; ye le gorɛ nyɛ̀n Ɔwɔ-sɛ́n-wɔn hɔ̀n lɔ mɛ̀n. Nyɛ lɛ srɔ anwrɔn cüìcüì hɔ̀n mán ɛnnɛ̀ncüì hɔ̀n zìwú m'ɛkruhú, ô nyɛ́n srɔ mɛ́n dalɛfuɛ-di-bɔ̀ y'ezìwú.

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

“Tɛ́n ɛnvra hɔ̀n lɔ mɛ̀n, ɛgbànkàn vri lɔ n'ɔtrɔmɛ̀n, ɛnbri ke sɩ̀ vru dìɛ, okù ke sɩ̀ vru wóɛ, okùcankro hɔ̀n ke le dú anhobɩ́ ke le cüe, anhobɩ́ cüì hɔ̀n lɔ fɛn kɛ lɛ jɔ̀kɔ̀.