Populære bibelvers fra Matie 5

Del

Ye sɩ́ dɔ́n kɛniɛn yɛ wá sonu krùgbɛ̀n. Tɛ́n kɛniɛn tɛ̀ wú de yɛ hɛ́n nɛ̀n nɔn, ô nɛ̀n tán anwrɔn hɔ̀n léyi dú anwɔn mɛ̀n nɔn, ɛyri-kàn. Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Nyɛ́n de nyɛ́n dú ɛnhibù wú yri-kàn. Anmàn léyi dú ɛnkpò wú nɔn, ke sɩ̀ bán rɔ́.

Ɛnbɔrɛbru dú anwrɔn hɔ̀n léyi ɛnbɔrɛ mɛ̀n nfì, ɔmuhi yɔ lɛ kán Ɔwɔ nɔn!

Ɛnbɔrɛbru dú anwrɔn léyi Ɔwɔ kɔrɛ̀zì-ci-hán ke wrú ɛnhyà y'ɛnbɔrɛ lɔ mɛ̀n, ɔmuhi Ɔwɔ kɛ lɛ wá y'ɛnbɔrɛ lɔ mɛ̀n, n'ɛkɔrɛ̀zì-ci-hán ndɔ lɔ kokrohô nɔn!

Tɛ́n mɛ̀n mɛ dɔ́ nyɛ̀n le: nyɛ́n cüɛn ny'egbri-bɔ̀, ô nyɛ́n sɛ̀n tán anwrɔn hɔ̀n léyi kɛ hán nyɛ̀n nye di ejüe nɔn

“Ɛnbɔrɛbru dú anwrɔn hɔ̀n léyi ke shri y'ɛmìan lɔ ke bɩ, ɔmuhi Anhobɩ́ nɛ̀ncüì-dúyri dú yɔ tɛn nɔn!

Ɛnbɔrɛbru dú anwrɔn hɔ̀n léyi kɛ hán anwɔwɔ kɔ̀hɔ̀n y'anwanzi, ɔmuhi ye le bi yɔ Ɔwɔ ẅì hɔ̀n nɔn!

Ɛnbɔrɛbru dú anwrɔn hɔ̀n léyi dú obòto mɛ̀n, ɔmuhi yɔ lɛ cɔ́ ɛnbɔrɛ-bi-wá nɔn!

Ɛnbɔrɛbru dú anwrɔn hɔ̀n léyi ke di Ɔwɔ-kɔ̀hɔ̀n-hán-jüe kɩ kɛ hán Ɔwɔ kɔrɛ̀zì-ci, ɔmuhi Anhobɩ́ nɛ̀ncüì-dúyri dú yɔ tɛn nɔn!

Ɛnbɔrɛbru dú anwrɔn hɔ̀n léyi ke nyri yɔ nyran hɔ̀n ɛnhyɔ̀bɔ̀, ɔmuhi Ɔwɔ mán ke le nyri yɔ ɛnhyɔ̀bɔ̀ nɔn!

Nyɛ́n dú ɛnbɔrɛbruemɛ̀n ke dú kɛ anwrɔn kɛ wɔra nyɛ̀n, kɛ hán nyɛ̀n nye di ejüe kɩ kɛ ẅɛn ɛyɔ̀n mɛ̀ntɛ mɛ̀ntɛ ke ku nyɛ̀n ɛwú, ɔmuhi nyɛ́n dú m'ɛsɛ̀nkɛn-bɔ̀ nɔn. Pɔ̀püɛ̀ kɛ̀ brá nyɛ̀n, nyɛ́n dú ɛnbɔrɛbruemɛ̀n, ɔmuhi anjakpà vri dú anhobɩ́ kɛ vrá nyɛ̀n nɔn. Ɔmu lɔ de annànwɔrɛ mɛ̀n, yɛ hán Ɔwɔ-mùanwú-ankà-dɔ́-bɔ̀ lɔ di ejüe yakɛ cɔ́ ny'ɛnvra lɔ nɔn.”

Ɛnbɔrɛbru dú anwrɔn léyi ẅɛn anwɔwɔ, ɔmuhi yɔ lɛ dú ɛnhibù léyi Ɔwɔ wá ɔmùan nɔn yɔ zi hɔ̀n nɔn!

“Nyɛ́n de nyɛ́n dú ɛnhibù wú jüɛ̀. Tɛ́n ke dú kɛ ɛnjüɛ̀ zrɔ lɔ kɛ vácì hô, anhɔntan de ye le vru yɛ hán nɛ̀n, ô nɛ̀n zrɔ nɛ́n? Nɛ́n sɩ̀ vrù zrɔ̀ eci zriɛmɛ́n hán mɛ̀n; yɛ lɛ kɔ́n nɛ̀n cüe ɛntrɛa, kɩ anwrɔn kɛ lɛ nán nɛ̀n ɛwú.

Nyɛ́n krɔn kpehɛ́n kɛ hán nyɛ́n Zi léyi dú anhobɩ́ nɔn hɔ́.”

Ke dú hɛ̀ɛ̀, Nyɛ́n dɔ̀ le: ‘Hɛ̀ɛ̀’, ke dú hô, nyɛ́n dɔ̀ le ‘Hɔ̂’, hɩ le yɛ lɛ dɔ̀ kɛ̀ vrán nɔn, dú ɛgbàn.”

“Nyɛ́n yá yɛ dɔ̀ le: ‘Ɛvɛ̀ mán ɛvɛ̀, kɩ ɛnnyî mán ɛnnyî.’ Tɛ́n mɛ̀n mɛ dɔ́ nyɛ̀n le, nyɛ́n bɩ́ hán ɔwrɔn léyi hán nyɛ̀n eci gbàngbàn nɔn, ɛgbàn. Ke dú kɛ ɔwrɔn tɔ̀n kɛ gɔ́n mɛ́n ezì-kɔrɛ̀ nukù wú, ɛ̀ tán nɛ̀n ebrì nukù lɔ mán nɛ̀n gɔ̀n.

Ke dú kɛ v'ezì-kɔrɛ̀ vɛ̀ kɛ hán mɛ̀n e bru ɛgbàn mɛ̀n hô, è fú nɛ̀n, ô ɛ̀ kɔ́n nɛ̀n ze esùshe v'ɛtɛ̀sɛ̀n: zrɔ tán le ɛ̀ zrɛ́n v'edùwrú cá, kɩ è bɩ́ v'edùwrú mumù lɔ fɛn, ô yɛ kɔ́n mɛ́n di ɛnhyà mɛ̀n. Ke dú kɛ v'ezì-kɔrɛ̀ kɔrɛ̀ de kɛ hán mɛ́n e bru ɛgbàn mɛ̀n hô, ɛ̀ vɔ́n nɛ̀n, ô ɛ̀ kɔ́n nɛ̀n ze esùshe v'ɛtɛ̀sɛ̀n: zrɔ tán le ɛ̀ zrɛ́n v'ɛkɔrɛ̀ zri, kɩ è bɩ́ v'ankɔ̀rɛ̀ anhyrɛ̀ lɔ fɛn, ô yɛ kɔ́n mɛ́n di ɛnhyà mɛ̀n.”