Populære bibelvers fra Matie 23

Del

Ny'ɛmɛ̀n lɔ ɔwrɔn léyi dú ecüìcüì nɔn, ke ji le nɛ̀n dú ny'eci-bɩtan-wrɔn.

Ɔwrɔn léyi ke sɩ́ n'edomɛ̀n ɛwú nɔn, ye le sɩ́ nɛ̀n ɛnhi, kɩ ɔwrɔn léyi ke sɩ́ n'edomɛ̀n ɛnhi nɔn, ye le sɩ́ nɛ̀n ɛwú.”

Muzhie dú nyɛ tɛn, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀, anmùan-anhyrɛ̀-bɔ̀! Nyɛ tán Ɔwɔ ny'ɛci-tɛ́-ci hɔ̀n léyi du ɛẅí banban nɔn n'ɛvá mɛ̀n tɛn, tɛ́n nyɛ kɔ́n ankà-yé hɔ̀n léyi ẅɛn vɔ̀nshɛ́, hɩ dú ɛnyànmàn wú nɔn ze, yɔ hɔ̀n léyi dú ɛnyrɔnnan, ɛnbɔrɛ-wɔ̀ mán ɔmùan-zri-dì: ndɔ lɔ de dú eci-hán-ci, ô ndɔ léyi wɔrɔ nɔn, ke bɩ́ yuru nyɛ̀n esùva.

Muzhie dú nyɛ tɛn, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀, anmùan-anhyrɛ̀-bɔ̀! Nyɛ́n juru grashɛ̀n mán ɛci-zî kpokpo edomɛ̀n, tɛ́n ny'ɛci-yerɛ-ci mán ny'ankà-tro gbàngbàn yɩ́ grashɛ̀n mán pkopko mɛ̀n.

“Zherüzalɛmɛ̀n, Zherüzalɛmɛ̀n, vɛ́n léyi e di Ɔwɔ-mùanwú-ankà-dɔ́-bɔ̀ owúemɛ̀n kɩ e wri ɛbùemɛ̀n anwrɔn hɔ̀n léyi Ɔwɔ ke yüre mɛ́n nɔn! Andɛ̀n ɛ̀bɛ de mɛ̀n ji v'ɛẅì hɔ̀n ɛkruborɛ m'ɛtɛ̀sɛ̀n hán ɔmu le ɔkɔ̀sɔ̀-sɛ̀n kɛ wá n'ɛẅì hɔ̀n ɛtùvà-kɔrɛ̀ krùgbɛ̀n, tɛ́n nyɛ́n sɩ́ ji ɔmu lɔ!

Ɔmu zri lɔ de nyɛ́n mán, nyɛ́n hán tán, ô anwrɔn lɔ fɛn kè tro le, nye di ɔmùan-zri Ɔwɔ tɛ̀sɛ̀n, tɛ́n ny'ɛnbɔrɛ mɛ̀n lɔ, anmùan-anhyrɛ̀ mán eci gbàngbàn ɛnhyì.