Populære bibelvers fra Matie 19

Del

Zhezü nyan yɔ kɩ kɛ dɔ́ yɔ le: “Sɔ́ tán anwrɔnẅì, tɛ́n Ɔwɔ yri tɛn kè sɩ̀ sɔ̀a.”

Ɔmu lɔ, yɔ sɩ̀ vru dú eci anhyrɛ̀, tɛ́n eci zri. Ke sɩ́ ji le ɔwrɔnẅì kɛ̀ gbɔrɔ eci léyi Ɔwɔ mú hɛ́n nɔn.”

Zhezü mrɛ́n ɔmùan le: “Nyɛ́n sɩ̀ krɛ̀ ankà léyi Owrú Prɔnprɔn merɛ́n nɛ́n? ‘Ɛnkrubɔmɛ̀n lɔ, Eci-lɔ-fɛn-hán-wrɔn hán yɔ, ɛncɔnwrɔn mán ɛnnyɔnwrɔn’, zɛtɛn nɛ́n dɔ̀ le: hɩ le kruhú de, ɛncɔnwrɔn ke le teze nɛ́n zi mán nɛ́n muan, ô kɛ̀ hɔ̀n sɔ́n ebɩ́ nɛ́n mán nɛ́n hi mɛhi, kɩ yɔ, anwrɔn anhyrɛ̀ lɔ, yɔ le dú eci zri.

Zɛtɛn Zhezü kɛ dɔ̀ le: “Nyɛ́n teze ɛẅì hɔ̀n kɛ̀ và cɔ́ mɛ̀n, kɩ nyɛ́n bɩ́ kɛ́n yɔ nyɛ́n hɛ́n hán, ɔmuhi Anhobɩ́ nɛ̀ncüì-dúyri dú anwrɔn hɔ̀n léyi ndù hán yɔ hɔ́ nɔn tɛn.”

Tɛ́n bobrebe ndɔ hɔ̀n léyi dú kpàkpà-bɔ̀ nɔn, kɛ lɛ trɔ ɛmɛẅi, kɩ ɛmɛẅi-trɔ-bɔ̀ lɔ bobrebe ke le dú kpàkpà-bɔ̀.”

Kɩ anwrɔn hɔ̀n léyi m'ɛkruhú tecüe y'ɔwrɔn, yɔ muan-ẅì hɔ́n wúyɔ̀ mán wúcɔ̀, yɔ zi mán yɔ muan, y'ɛẅì hɔ̀n, y'ankɛ̀tɛ̀, kɛ lɛ cɔ́ anjakpà ke le wí ɛkoẅi-ɛnrì kɩ kɛ lɛ cɔ́ ɛwúvà léyi ke sɩ́ trɔa nɔn.

Zhezü kɛ dɔ́ nɛ̀n le: “Ke dú kɛ e ji è krɔn kpehɛ́n hô, ɛ̀ hɔ̀n hɛ́ v'ɛci hɔ̀n lɔ fɛn, è bɩ́ ɔkùa lɔ ɛ̀ tán ɛmian-bɔ̀, zɛtɛn ɛ lɛ cɔ́ ɛnnɛ̀ncüì-di-ci anhobɩ́; zɛtɛn è vru ɛ̀ và, ô ɛ̀ kɛ́n mɛ̀n ɛsɛ̀n.”

Zhezü kɛ dɔ́ nɛ̀n le: “Cɛci kruhú kɛ e yrɛ mɛ̀n ankà, eci léyi zrɔ nɔn hɩ wúɛ? Eci zri kɩ zrɔ. Ke dú kɛ e ji è bru ɛwúvà mɛ̀n, ɛ̀ ẅɛn ɛnyànmàn hɔ̀n lɔ ɛ̀ hɛ́n.”

Kɩ me vru mɛ dɔ́ nyɛ̀n le: sɔ́ tán frimú kè ci frɛnfrɛn levri, tɛ́n vru sɔ́ tán ɛnnɛ̀ncüì ke bru Anhobɩ́ nɛ̀ncüì-dúyri.”

Mɛ dɔ́ nyɛ̀n le: ke dú kɛ ɛncɔnwrɔn kɛ wrɔ́ nɛ́n hi, kɩ ke nyri ɔmu le, ɛnnyɔnwrɔn lɔ ke sɩ̀ fɔ̀ndɔ̀n ɛnyànmàn, nɛ̀n dú ɔmùan-zri-diemɛ̀n, kɩ ne yri ɛnnyɔnwrɔn nyàntɛn, nɛ́n, ɛncɔnwrɔn ndɔ lɔ nɛ hán ɛnnyɔnwrɔn-bi-gbàn.”

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Mɛ dɔ́ nyɛ̀n annànwɔrɛ mɛ̀n le: sɔ́ tán ɔwrɔn léyi di ɛnnɛ̀ncüì nɔn ke bru Anhobɩ́ nɛ̀ncüì-dúyri.