Populære bibelvers fra Lükɛ̀n 8

Del

Antɛ̀-ẅì léyi ke cüe ɛnhi ankrànkràn mɛ̀n nɔn, dú yɔ léyi yɔ die ankà-dɔ̀ lɔ nukùɛ, yɔ ẅɛn nɛ̀n yɔ hɛ́n ɛnbɔrɛ anvrɛnvrɛn mɛ̀n, yɔ di ɔmuan zri, kɩ yɔ shi ɛẅì.”

Antɛ̀-ẅì léyi ke cüe antɛ̀-wí granmɛ̀n nɔn, dú yɔ léyi yɔ yá ankà-dɔ̀ lɔ; tɛ́n yɔ teze y'edomɛ̀n yɔ tán ɛnhibù wú ci-hán, n'ɛnnɛ̀ncüì-dì mán nɛ́n pɔpüɛ̀-brà, kɩ kɛ hán tán, yɔ sɩ́ shi ɛẅì ankrànkràn.

Ndɔ hɔ̀n dù cá ɛbù-hiẅia: yɔ yá ankà-dɔ̀ lɔ kɩ yɔ bɩ́ nɛ̀n pɔpüɛ̀ mɛ̀n. Tɛ́n, yɔ sɩ́ teze nɛ̀n nɛ́n di annyràn, yɔ bú tán ankàẅì ɛnvra cá mɛ̀n, kɩ yɔ teze y'ankàẅì-bùtan lɔ ɛnvra léyi ejüezì kɛ srɔ́n yɔ ɛsù nɔn.

Zhezü kɛ dɔ́ n'ɛsɛnkɛn-bɔ̀ le: “Ny'ankàẅì-bùtan lɔ tówà?” Tɛ́n yɔ lɔ fɛn ɛnjansù kɛ ẅɛn yɔ, kɩ yɔ dú anvɛmɛ̀n-frɛ́n mɛ̀n, yɔ yrɛ y'edomɛ̀n le: “Antɔnwrɔn dú ɔwrɔn ndɔ lɔa? Nɛ wá ɛnyanmàn tán ɛndɔwrɔ̀n mán ɛnshi, kɩ yɔ die nɛ̀n nukùɛ!”

Anwrɔn ndɔ hɔ̀n dú cá ɛnlevri mùan léyi antɛ̀-ẅì ke cüe nɔn: yɔ yá ankà lɔ, tɛ́n anwa-wrɔn kɛ và ke bɩ́ ankà-dɔ̀ lɔ kɛ sɔhɔ́ y'ɛnbɔrɛmɛ̀n, ô yɔ bɩ́ bú tán ankàẅì, ô yɔ bɩ́ cɔ́ ɛnkrukɔrɛ̀.

Ɛci hɔ̀n léyi dú ɛyrí yɔwɔ mɛ̀n nɔn, kɛ lɛ srɔ ɛcɛ̀n pupu mɛ̀n, kɩ ankà-bán-ankà hɔ̀n lɔ fɛn kɛ lɛ srɔ ɛwú ɛyri-kan mɛ̀n.

Ɛnnyɔnwrɔn lɔ kán ɔmu le ye nyri nɛ̀n, kɩ ɛnjansù bru nɛ̀n; nɛ́n và nɛ̀n bore Zhezü annan zìwúɛ. Zɛtɛn nɛ dɔ́ yi anwrɔn lɔ fɛn zìwú eci le kruhú mán ɔmu le nɛ̀n hán nɛ̀n tɛ́ yi ɛkɔrɛ̀, kɩ ɛdomɛ̀n wule nɛ̀n ɛnvra zri lɔ mɛ̀n nɔn. Zhezü kɛ dɔ́ nɛ̀n le: “M'ɛnẅì, v'ankàẅì-bùtan lɔ kɔrɛ mɛ́n. Ɛ̀ hɔ́n anwɔwɔ mɛ̀n.”

Zɛtɛn Zhezü sɛnkɛn-bɔ̀ lɔ, vá nɛ̀n ɛtɛsɛ̀n, fri nɛ̀n kɩ ke di bobo kɛ dɔ̀ le: “Ankà-yé-wrɔn, Ankà-yé-wrɔn, bɔ́ le wù!” Zhezü gbɛ́ ɛvɛ̀ kɩ wá tán ɛndɔnwrɔ̀n mán nɛnbà-fù kɛ̀ sànnyɔn. Kɩ ɛyri sannyɔn.