Populære bibelvers fra Lükɛ̀n 3

Del

Ɛnvra léyi yɔ wá fɛcüè lɔ fɛn ɛnshi ɛnkru trɔ nɔn, Zhezü mán yɛ wá ɛnshi ɛnkru. Ɛnvra léyi Zhezü dú Ɔwɔ-sɛ́n mɛ̀n nɔn, anhobɩ́ gbɛ́ ɔmùan, kɩ Ɛnhɛ́n Prɔnprɔn bɩ́ brɛndre dùwru kakɛ nɛ̀n ɛwúɛ. Esùva tɔ̀n dú anhobɩ́ kɛ dɔ̀ le: “È dú m'ɛcüɛ́n ẅì, me bɩ́ mɛ́n pɔ̀püɛ̀ lɔ fɛn mɛ wá mɛ́n ɛmɛ̀n.”

Kɩ Zhan kɛ dɔ́ anwrɔn lɔ fɛn le: “Mɛ tɛn ɛnshi de me bɩ mɛ wá nyɛ̀n ɛnkru nɔn, tɛ́n ɔwrɔn tɔ̀n ɛkɔrɛ̀ srɔn vrán mɛ̀n, nɛ lɛ và: mɛ̀n sɩ̀ zeze mɛ̀n zrɔa hɩ m'a gbrɔ n'annanru hɛ́ lɔ nɔn. Nɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n, mán ɛnhyà mɛ̀n mɛhi.

Nyɛ́n hán eci ke yé tán le, nyɛ́n crɔn ny'edomɛ̀n, ô nyɛ́n bɩ́ dɔ́ ny'edomɛ̀n le: ‘Abrahamɛ̀n dú bɔ́ nancüì.’ Ɔmuhi mɛ dɔ́ nyɛ̀n le Ɔwɔ ke le bɩ́ ɛbù ndɔ hɔ̀n lɔ kɛ̀ srɔ Abrahamɛ̀n nɛ́n-nán-ẅì hɔ̀n tɛ̀!

Etù-ẅì dú antɛ̀-nyràn krugbɛ̀n, ô kɛ̀ voyan antɛ̀ hɔ̀n léyi ke sɩ́ shi ɛẅì ankrànkràn nɔn, ô kè ku yɔ ɛnhyà mɛ̀n.”

Ɔmu lɔ de ankà-dɔ̀ ndɔ léyi Ɔwɔ-mùanwú-ankà-dɔ́-wrɔn Ezahi merɛ́n n'owrú lɔ mɛ̀n nɔn, sá nmù: “Ɔwrɔn tɔ̀n ke di nkù ɛnnɛ̀nwì: Nyɛ́n hán Ɛnnɛncüì levri, nyɛ́n hán nɛ́n levri hɔ̀n lɔ kɛ̀ nyrɔn! Ɛnnànmàn totɔtɔ̀n lɔ fɛn kɛ̀ sɛ́n, ɛnkpò-vri mán ɛnkpò-cɛ hɔ̀n lɔ ye sɩ́ yɔ ɛnhi; ɛnlevri hɔ̀n lɔ fɛn léyi wɔɛ nɔn, yɛ hán kɛ̀ nyrɔn, ɛnlevri gbangbàn hɔ̀n lɔ fɛn yɛ hán kè dú sɛsɛ. Kɩ anwrɔn lɔ fɛn kɛ lɛ kán ɛnkrukɔrɛ̀ léyi Ɔwɔ tán bɔ̀ nɔn.”