Populære bibelvers fra Matiu 6

Del

Amaa ni chinn ban U naamin nin U buchinn binbemin na, le u li ta ni niɛ biɛn ki sei ni.

Mambu, ni laa che ke won a bɔr mugir ni, lidaal biɛn jɔɔ libɔmug kaar lan kpaan li le.

“Mambu n bei ni le, ni laa che ni mugir ni limiɛfol bu, nin naah li ji nan bee naah li nyu nan bu; bee ni gbanann ni, naah li yee nan bu. Limiɛfol kaa ŋan jon tijiiraa, le tigbanann kaa ŋan jon tiwann yeewann naa?

Amaa ni ye a miɛ Uwonbɔr ke, a kɔɔm a diigin ki loon linaanganl, wee ki miɛ a Baa Uwonbɔr wan gbir tibɔr woon kaarin, wee un yɔŋ.

“Naah li miɛ Uwonbɔr man sɔ: ‘Ti Baa wan be paab, che a yinl li be kasi, che a naamin foon, che a bam nŋa dulinya nan yaan, ke naah ŋaan paab man ni.

Sei ti dinan a jiir.

Jiɛn ti bir ki per ta. Ke ti mu kaah jiɛn per ti pɔndam man ni.

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Nan bu-n ni ye ni jiɛn ni tab a bir ki per bi ke, ni Baa Uwonbɔr wan be paab nan mu li jiɛn per ni.

Lig nnɔɔm man laan paab nan; baa bu; bi mu kaa ji chiɛ ki ŋaan tinaapɔrin ni, amaa le ni Baa wan be paab nan jin bi. Naa jɔɔ tinyɔɔr ki jon nnɔɔm maa?

“Laa jɔɔ a jɔɔm ki woog dulinya nan yaan ni, nan yaan wee ikootug nin gamlali nin ndundum li mɔɔ ki bii mi; bee binaayigib na li kɔɔ ki su. Amaa ta a jɔɔm ki woon paab, nan yaan wee ikootug nin gamlali kaa li fir bii, bee binaayigib kaa li fir kɔɔ su. Nan bu-n, nan yaan wee a jɔɔm be-n a potiɛl mu be niin le.

“Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

Ke ni ye Uwonbɔr li ŋaŋir tikpentunn tan be dinan, wee bin won nyɔɔ ti nŋmi nan, le kaa li fir yeen nim maa? Nim ban a yada par nan!

Amaa ni ye a pu ulanjiin ke, laa che a nɔɔgam li nyi a nɔɔjiim kaah tun nan ni. Le a piin nmɔn li ye liwoolin. Wee a Baa wan ga nan ŋaan liwoolin nan, na li yɔŋ.

“Ni choom niba ki laa ŋaan tibuchinn bininfob bu, ni ŋa man wee bin kan ki pag ni. Ni tun man ke naa yin kan niba a yɔr ni Baa wan be paab ban ni.

“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.” Amaa ni ye a lol bimɔb ke, a ŋunn a num paama ki ta nkpam ki ŋa a yul; wee ni laa che bininfobin biɛ ke a lol bimɔbi, amaa a Baa wan wee baa ga win a binba, nin a Baa wan ga liwoolin ni, le li yɔŋ.