Populære bibelvers fra Yoh 14

Del

“Mtendele ni ungumlecela jemanja, mtendele wakwe wa une namsyene ni ungwapa. Nganguwupeleka mpela mwakupelecela ŵandu wa cilambo capasi. Akasadandawula ni kulaga pa yindu yitiyitendece, akatenda woga uliwose.

Yesu ŵamjanjile kuti, “Une ndili litala, usyesyene, ni umi, pangali mundu jwakwawula kwa Atati akaŵe kupitila mwa une basi.”

Yesu* ŵasalile ŵakulijiganya* ŵakwe kuti, “Mitima jawo jikalagaga mnope, akulupilile mwa Mlungu nipo soni akulupilile mwa une.

Namangoswe, jwali Msimu Ŵaswela, jutacimtumisya Atati mu lina lyangu, tacajiganya jemanjajo cilicose ni kwakumbusya yosope yene yinasalile jemanjajo.

“Ŵele ŵakupikanila ni kutenda yinalamwile kuti ayitende jemanjajo ni ŵakunonyela une. Myoyo Atati ŵangu tacanonyela ŵele ŵakunonyela unejiwo, une soni tinjanonyela jemanjajo ni kuliwonesya namsyene kwa ŵelewo.”

Une tinjaŵenda Atati, nipo tacimpa Namangoswe jwine, jutaciŵa ni jemanja mpaka kalakala. Namangoswejo ni Msimu jutaciwumbula yakuwona ya Mlungu. Ŵandu ŵa cilambo capasi ngaŵa mkupakombola kumpocela jwalakwe, ligongo ngaŵa mkupakombola kumwona kapena kum'manyilila. Nambo jemanja mkum'manyilila, ligongo akutama ni jemanja nipo taciŵa mkati mwa jemanja.

Nipo tinjitenda cilicose citaciŵenda mu lina lyangu, mwakuti lumbili lwa Atati tiluciwoneka kupitila mwa Mwanace. Naga akuŵenda cilicose mu lina lyangu, une tinjicitenda.

“Naga jemanja akunonyela une, tacigapikanila malamusi gangu.

M'nyumba ja Atati ŵangu mwana malo gejinji, ni ngwawula kukumlinganyicisya malo jemanja. Yikaŵe kuti nganiyiŵa myoyo, ngamkaninamsalila yeleyi.

Patinjawule kuja kukumlinganyicisya jemanja malo, tinjiwuja nipo tinjajigalila kwa une namsyene kuti akatame kungutama une.

Tomasi* ŵawusisye kuti, “Ambuje, uwe ngatukukumanyilila kwakwawula wawojo, ni mpaka tupakombole camtuli kulimanyilila litala lyakuja kuyicila kweleko?”