Populære bibelvers fra Matiyu 21

Del

Esiga niyo tei tolone Godee mapoo takooga, yayo goo niyo hoowa eyo nei nimapoo tenelaiso.”

Eseme Yesuye nei dimapoo egeesee takaso, “Ayo nimapoo taka. Niyo tei toloso dobolone goo goolee bakadio delega doga, ayo homo hamapoo moodoo goo ee niba nosee egeesee moodoolai tebileiso. Osoloso goo hedebe hagonosee talai tebile. Esino niyo goo toowa abo moodoolaiso. Egeeseelone niyo mubi hamapoo takolone ‘no nediliyo tadoloso howomoo mei’ dee takooga, goo oso tei peledabalaiso.

Eseme Yesuye donki be ma dokodoo buloso dimolome, malalo diyadee odoo sabolo osoloso Yesu ma hamamee sibadee odoo oso to neligidi egeesee takaso, “Iba Deibidiyo amawe mapoo goomogo. Odoo Godeeyo hu maga kitulugu sabolo egee sibo yo Godeeye pidiye dee. Kei mi ma doko hodoo badeli Godee mapoo goomogo,” dee takagamo diyadeeso.

Osoloso Yesuye dimapoo egeesee takaso, “Godeeyo to booka mapoo hogugu oso egeesee takooso, ‘Mo tei moso ee edebeeyo sibileso Godee mapoo takeli moso,’ diso. Esino niyo Godeeyo moso hagee heli teli odoo oso mada wuli moso ka poso,” diso.

“Niyo Yelusalem mapoo debeli odoo mapoo takee, ‘Ege, nibada wiligi odoo nimapoo olo sibo. Yo mesie taba. Yo donki be pepooko mapoo buloso ka siboso.’ ”

Eseme Yesuye dimapoo egeesee takaso, “Niba Godeeyo to booka mapoo hogugu ee hesigeleyo? Bei, omapoo egeesee takooso, ‘Moso tegeli odoo oso omou gowoolone togobugu oso see epedee hamapoo moso omu domo pupodoo ka moloso. Esiga goo hagee Lodeeye ka moodoo. Esiga iba goo hagee ogoloso howoodolone tekepo deeso.’

Esiga ayo nimapoo taka. Godeeye wiligi doloso badeli goo ee nimaga peedee doloso, see Godeeye goomoga goo tomo silesibili odoo omapoo tenelaiso.