Populære bibelvers fra Matiu 15

Del

Ika a warwarala rop ning i atongi ana pahana, i purum miting na nuknukna, i ning ir aduri. Ine a ututnala ning i sira purum miting na nuknukna: a nuknuk laulau, umkol a mainla, a toltol laulau ana ta hane anuna tik o ta barsan anuna tik, na toltol a pamuk, a kinkinau, a artitiu asasongo, pa di anan saksakan tik.

Asaning ir kas uting na pahana barsan, bel ir aduri namatana e God. Ika, asaning i atongi ana pahana, i ning ir aduri namatana e God.”

‘A tarai ne la hanrawai iau ka ana pahanla, ika a balanla i bakbak kol kusun iau. La lotu oros ka tetek iau, anasa la asaer ka ana warkuraila anuna tarai.’”

Pa e Iesu i kelesi mang, “Lak, i itna kol anuma tortorot! A utna ning u mang suri, ar toli ot tetek u.” Pa ana puka kamis ot ning, e natnalik i langolango.

Ika a hane ning i han tetek e Iesu, i kes ana bokona hana salanigo tana pa i atongi tana mang, “Leklek, ur nangan iau.” Pa e Iesu i kelesi mang, “Bel i tostos sur dir los a utna na hangan ana kakakla, pa dir minggeni tana papla.” A hane ning i kelesi mang, “Leklek, a momolna ot ning. Ika, a papla otleng la sira ien a mumut a utna na hangan ning i sira punga miting na logo na hangan anuna tamtamanla.”