Populære bibelvers fra Lukə 24

Del

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Jesus hvo ɓɛ, aa pənə aa kɛ a vúlu. Mɛ̨nįi ŋɛ̨i ə mo kaa ɓɛlɔwai ə kɛ la Galile lɔi hu, ka ka kiliŋąhiɛ ma.

Nąąlɔwai, di ɲɛ̨i laa ə ɓo di Jesus kɔ́lɔn gea, kɛlaa, ə kwɛlɛɛn di ɲɛ̨i mu. Di hee kɛa diɛ mo di kee lɔwai diɛ kɛ mą: «Ɓɛlɔwai ŋɛ̨i ə kɛi Yálá laawoo hɛɓɛ́ hukulɔ la guɔ bələ pɔi, kɛlɛi ŋąą nɛɛ ə kɛi kpɔ gu kulɔ ee!»

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai. Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Di liɛ, gwɛni ŋɛ̨i kɛ Jesus kámą laaləi, di gaa giliɠilin ŋąą ɉəɠɛɛ bələi. Di lɔ gámą hu, kɛlaa, di hvo Jesus kaa.