Populære bibelvers fra MARKUS 2

Del

Pu'un Yésus menéng ha' réh pané kenat, boh Éh mipa ha' réh, ka' ha' Néh. Kelunan éh bé' pu'un kesakit bé' éh tai nawan, bang kelunan éh sakit éh tai nawan. Bé' Ku' tuai tong tana' iteu' Ké' tebai kelunan éh seruh iah éh kelunan éh jian, bang Akeu' tuai ke' Ké' tebai kelunan éh seruh iah éh kelunan sa'at, ha' Néh.

Hun Yésus jam irah matek ngelan mu'un kenat, pu'un Iah pané ngan kelunan éh matai keluhat nah, ka' ha' Néh, Anak Ké', penyala' ko' lepah pega', ha' Néh.

La'ah ha' Yésus kepéh, Dau Posot ke' kelunan omok posot, bé' kelunan pu'un uban Dau Posot inah pu'un, ha' Néh.

Bang uban kelunan matek pinaa' nah, bé' réh omok mihin éh masek lem lamin, boh réh meka sapau bau Yésus nekedéng bara' ha' Tuhan nah, boh réh petuhun éh palaa' mak nah tai kera'.

Bang Akeu' juk pekelenaa' éh ngan keh, Anak Kelunan iteu' néh éh pu'un penyukat omok bet penyala' nah ne', ha' Néh. Boh Éh pané ngan kelunan éh matai keluhat nah kepéh, Betéé' ke', alaa' mak ko' nah moléé' ke', ha' Néh.

Kineu' éh pelapah lumang ké' pané seneruh keh, ha' ké' mah éh tekep Ké' bara', penyala' ko' lepah pega', ha' nah, kineu' éh ha' ké' éh bara', betéé' ke' lakau, ha' nah, éh mah éh lumang kunah ka'ah, ha' Néh.

Jin lem ta'an kekat réh béé, kelunan éh matai keluhat nah, betéé' alaa' mak néh, tioo musit. Kekat kelunan pinaa' nah béé kenin réh na'at éh, pu'un réh mejing Allah, Jin sahau rai péh éh bé' lu' pu'un na'at éh kenat, ha' réh.