Populære bibelvers fra MATIUS 18

Del

Uban semah-semah pu'un duah-teleu' usah petipun dalem ngaran ké', sinah ke' Akeu' pu'un, ha' néh.

Ha' néh kepéh, La'ah Akeu' bara' ngan keh, hun duah usah tong tana' sebayang menyat ineu'-ineu' ngan pekua' kenin tong néh, adang Tamen ké' tong seruga pu'un maneu' pekua' pengenyat roh inah.

Boh Yésus tebai jah anak ke' néh petekedéng éh tong jumen réh béé, ka' ha' néh, Akeu' bara' mu'un ngan keh, hun keh bé' paléu' kenin barei' kenin irah anak, bé' keh omok tai lem nihau Allah.

Kelunan éh omok ja'au tong retek Allah Pengeja'au, inah éh kelunan éh ngediva' kenin néh éh barei' kenin anak iteu'.

La'ah séé'-séé' éh alaa' anak kenat lem ngaran Ké', inah iah alaa' Akeu', ha' néh.

Ha' Yésus ngan réh, Akeu' bara' ngan keh, tong ineu'-ineu' éh bé' buhaa' keh neu' kelunan tong tana' iteu' éh bé' teneng ngan éh bé' jian, kenat péh éh tong seruga kepéh, bé' kelunan omok maneu' éh. Kenat péh tong ineu'-ineu' éh keh buhaa' kelunan maneu' tong tana' iteu', kenat péh éh tong seruga, omok réh maneu' éh, ha' néh.

La'ah ha' néh kepéh, Kenat péh penganeu' Tamen ké' tong seruga tong siget-siget usah keh hun keh bé' jam pika padéé' keh jin kenin keh mu'un, ha' néh.

Ha' Yésus kepéh, La'ah tong irah anak si'ik iteu' éh ngelan tong Akeu', hun néh pu'un séé'-séé' éh mihin réh petat, pelapah jian réh marau kelunan inah tai tana' éh jah, jin néh mokoo' ngan murip belah pohoo' néh ngan mihin réh petat kenat.

Jian keh seruh, hun néh pu'un kelunan éh pu'un jah ato domba, ngan pu'un jah usah éh tawang, kineu' tepun néh? Adang tepun néh pokoo' domba éh pinaa' nah tong tokong ke' néh tai pitah éh tawang nah.