Populære bibelvers fra LUKAS 22

Del

Ka' ha' sebayang Néh, O Tamen, hun néh lem pengeloo' Ko' mai ke' buhaa' pengeketa iteu' teneng tong Akeu' bang jian éh kivu pengeloo' Ko' awah, ha' sebayang Néh.

Na' péh éh tupat keteleu' kenat, Akeu' pu'un bara' keh lem sebayang Ké' Simon, jalan pengelan ko' pu'un reken, ha' Néh. Tovoo' ko' pekoléé' kenin, tekep ke' ngereken irah padéé' ko'.

La'o inah Iah alaa' roti ngan bara' jian kenin ngan Allah ngan Iah memutui éh ke' Néh mena' éh ngan réh, ka' ha' Néh, Iteu' néh seleket usah Ké' éh nena' Ké' ngeliwah ka'ah, jian keh kuman éh jalan keh petesen kenin keh tong Akeu', ha' Néh.

Kenat péh la'o réh kuman, inah Iah mena' baa' ngan réh, Ka' ha' néh ngan réh, Baa' iteu', inah éh seleket dahaa' Ké' éh juk nena' Ké' ngeliwah ka'ah, éh dahaa' Ké' éh maneu' jajii' maréng neu' Tuhan ngan kekat kelunan.

Jaa'-jaa' néh Yésus sebayang dalem kebesau Néh éh ja'au mu'un, pah avéé' usah Néh ripoo' neu' sana Néh ngan sana Néh tétéé' tong tana' barei' tétéé' dahaa' rai.

Bang bé' éh kenat tong ka'ah iteu'. Bang kelunan éh ja'au urip jin belah ka'ah, jian éh seruh usah néh barei'-okoo' éh si'ik, ngan iah éh pengeja'au keh, jian éh pekua' barei' kelunan sohoo' awah.

Ka' ha' Yésus kepéh, O Péterus, bé' éh kenat, lem dau iteu' bé' jak iap sakui ngelangéé', neu' kenin ko' medai, pu'un ke' ngaken teleu' koléé' bara', Bé' akeu' jam Iah, ha' Yésus ngan néh.