Populære bibelvers fra YOHANES 5

Del

Akeu' bara' mu'un ngan keh, séé'-séé' éh mihau ha' Ké' ngan éh ngelan tong Iah éh nyohoo' Akeu' tuai, iah pu'un urip éh pelinguh, ngan bé' éh teneng ukum uban néh lepah musit jin jalan éh mihin éh matai tai tong jalan éh mihin éh murip.

Hun Yésus na'at éh pegen kenat ngan kejam Néh éh pu'un sakit lebéé' tenéh, inah Yésus pané ngan néh, ka' ha' Néh, Keloo' ke' ma'o jin kesakit ko' nah, ha' Néh.

Pu'un keh pekalai tong surat Allah, uban keh seruh neu' kekat ha' tebaraa' inah, adang keh omok alaa' urip pelinguh. Kekat ha' lem surat Allah pu'un éh bara' tong Akeu', na' péh kenat, bé' keh keloo' tavin Akeu' dokoo' keh omok alaa' urip, ha' Néh.

La'ah ka' ha' Yésus ngan néh, Betéé' ke', ko' alaa' mak ko', lakau ke', ha' Néh. Tioo ma'o éh jin kesakit néh, laa' néh mak néh, lakau éh. Tovoo' inah ke' kelunan inah ma'o. Iah alaa' mak néh tioo lakau. Sioo' Yésus peka'o kelunan sakit nah, inah éh Dau Posot irah Yahudi.

La'ah ka' ha' Yésus mipa réh, Akeu' bara' mu'un ngan keh, Akeu' éh Anak Allah, bé' Ku' maneu' ineu'-ineu' kivu kenin Ké' tengéé', bang kekat éh neu' Tamen Ké' éh ta'an Ké', inah awah ke' éh neu' Ké'. Kekat penganeu' Tamen Ké', inah ke' éh neu' Ké' éh Anak Néh kepéh.