Populære bibelvers fra YOHANES 10

Del

Kelunan nekau tuai ke' néh nekau domba ngan mematai ngan nasa' réh awah, bang Akeu' tuai dokoo' kelunan omok alaa' urip, avéé' réh murung mu'un-mu'un, ha' Néh.

Ka' ha' Yésus kepéh, Akeu' éh tepun domba mu'un. Akeu' éh tepun domba mu'un nah mena' urip Néh ngeliwah kekat domba Néh.

Kekat domba Ké' jam réh menéng ha' Ké', ngan Akeu' péh jam irah ngan irah pu'un kivu Akeu'.

Pu'un Akeu' mena' urip pelinguh ngan réh, bé' réh omok matai, ngan bé' pu'un séé'-séé' éh omok ngelebu réh jin kamit Ké'.

Akeu' iteu' éh usit tapé tong pagin domba. Séé'-séé' éh masek jin Akeu', omok éh alaa' urip, adang néh pu'un masek ngan musit kepéh ngan alaa' penguman néh.

Akeu' éh Tepun domba mu'un, ngan Akeu' jam kekat domba Ké', ngan domba Ké' péh jam Akeu'.

Tamen Ké' éh mena' réh ngan Ké', Iah pu'un pelapah ja'au ngaran jin kekat réh béé ngan bé' pu'un séé'-séé' éh omok ngelebu réh jin Tamen Ké'. Tamen Ké' ngan Akeu' péh jah awah kenin, ha' Néh ngan réh.

Akeu' jam irah ngan irah jam Akeu', pekua' Tamen Ké' jam Akeu', ngan Akeu' jam Tamen Ké', la'ah Akeu' juk mena' urip Ké' ngeliwah kekat domba Ké'.

Bé' pu'un séé'-séé' éh ngebéé urip Ké' iteu', bang neu' pengeloo' Ké' tengéé' Akeu' mena' éh. Akeu' pu'un penyukat omok mena' urip Ké' kenat, ngan pu'un penyukat Ké' alaa' éh kepéh. Inah éh sohoo' Tamen Ké' ngan Ké', ha' Yésus ngan réh.

Ka' ha' Yésus kepéh, Akeu' bara' mu'un ngan keh, Akeu' iteu' usit pagin jalan kekat domba omok masek lem pagin.

Kelunan sohoo' éh bé' tepun domba mu'un ngan éh bé' mihau réh mu'un, hun néh na'at bekuleu' tuai, kelap éh, nebet néh awah domba nah, boh bekuleu' inah navap domba nah ngan pepurat réh.

Ha' Yésus kepeh, Akeu' bara' mu'un ngan keh, kelunan éh masek lem pagin domba mukat jin jalan tengéé éh bé' jin usit tapé, Iah kulunan nekau ngan kelunan éh ngesakit usah réh ke' néh omok alaa' livah réh.