Populære bibelvers fra KO SĒNESI 24

Del

Pea pehē ‘e ia, ‘E Sihova ko e ‘Otua ‘o ‘eku ‘eiki ko ‘Epalahame, ke ke fakata‘imālie‘i au he ‘aho ni, mo ke fai ‘ofa ki he‘eku ‘eiki ko ‘Epalahame.

pea ‘ilonga ‘a e ta‘ahine te u pehē ki ai, ‘Ē, matule mai ho‘o siā ke u inu; pea ka tali mai ‘e ia, ‘Inu pē, pea te u fakainu foki mo ho‘o fanga kāmeli: ‘ofa ko e fefine ia kuo ke tu‘utu‘uni ma‘a ho‘o tamaio‘eiki ko ‘Aisake: pea u ‘ilo ai kuo ke fai ‘ofa ki he‘eku ‘eiki.

Pea ‘ave ‘e ‘Aisake ‘a e fefine ki he tēniti ‘o ‘ene fa‘ē ko Sela; pea ne hanga ‘o ma‘u ‘a Lepeka mōno uaifi: pea ne ‘ofa ki ai: pea ko ‘ene toki fiemālie ē ‘a ‘Aisake talu ‘a e fai ‘o ‘ene fa‘ē.

Pea nau tāpuaki‘i ‘a Lepeka, mo nau pehē ki ai, Nga‘ata, ko si‘omau tuofefine, ‘ofa ke ke hoko ko e ngaahi mano laui afe; pea ke ma‘u ‘e ho hako ‘a e ngaahi matanikolo ‘o e kakai ‘oku fehi‘a kiate kinautolu.

Ka u fakafuakava koe ‘ia Sihova ko e ‘Otua ‘o Langi mo e ‘Otua ‘o Māmani, ‘o pehē, ‘e ‘ikai te ke kumi ha uaifi ma‘a hoku foha mei he kau fefine ‘o ha‘a Kēnani, ‘a ia ‘oku ou nofo ai: ka te ke ‘alu ki hoku fonua pea ki hoku kāinga, pea ke kumi mei ai ha uaifi ki hoku foha ko ‘Aisake.