Populære bibelvers fra KO SĒNESI 17

Del

PEA ‘i he faifai pea a‘u ‘a ‘Epalame ki hono hivangofulu mā hiva ta‘u, pea hā ‘a Sihova kia ‘Epalame, ‘o ne folofola kiate ia, ‘o pehē, Ko e ‘Otua au ko SĀTAI: ke ke taka ofi mai mo ke haohaoa.

Pea ‘e ‘ikai kei ui ho hingoa ko ‘Epalame [ko Tupu-‘anga-‘oku-‘eiki], ka ko ho hingoa ko ‘Epalahame [ko Tupu‘anga-‘o-ha tokolahi]; he kuo u tu‘utu‘uni koe ko e tupu‘anga ‘o ha fuifui pule‘anga.

Pea te u fakapapau ‘eku fuakava mo koe, pea mo ho hako ‘amui, ‘o laui to‘utangata, ko e fuakava ta‘engata, Ke u nofo ko e ‘Otua kiate koe, pea ki ho hako ‘amui.

Ko e me‘a kiate au, ‘oku ‘i ai ‘eta fuakava mo koe, pea te ke hoko ko e tupu‘anga ‘o ha fuifui pule‘anga.

Pea folofola ‘a e ‘Otua, ‘Ā, ‘e fā‘ele‘i mo‘oni ‘e ho uaifi ko Sela hao foha, pea te ke fakahingoa ia ko ‘Aisake; pea te u fakapapau mo ia ‘eku fuakava, ko e fuakava ke tukufakaholo foki ki hono hako ‘amui.

Pea te u ‘atu kiate koe, pea ki ho hako ‘amui, ‘a e fonua ‘oku ke nofo muli ai, ‘io, ‘a Kēnani kātoa, ko ho tofi‘a tukufakaholo: pea te u nofo ko honau ‘Otua.

Pea tō fo‘ohifo ‘a ‘Epalahame, ‘o ne kata; ‘o ne pehē ‘i hono loto, ‘E ma‘u fānau koā ‘e ha fu‘u teau ta‘u? Pe fā‘ele koā ‘a Sela ko ha fu‘u hivangofulu ta‘u?

Pea folofola ‘a e ‘Otua kia ‘Epalahame, Ko e me‘a ki ho uaifi ko Sēlai, ‘e ‘ikai toe ui‘aki ‘a e hingoa ko Sēlai, ka ko Sela hono hingoa [ko Fefine-pilinisesi].

Te mou kamu ‘a e kili ‘o homou ‘ao; pea ko e faka‘ilonga ia ‘o e fuakava ‘a‘aku mo kimoutolu.

Ka ko e fuakava mo au te u fakapapau ia mo ‘Aisake, ‘a ia ‘e fā‘ele‘i kiate koe ‘e Sela ‘i he taimi ko eni ‘i he ta‘u kaha‘u.

Ka a‘u ki hono ‘aho valu, ka ko ha‘amou fānau tangata, pea ‘e kamu, ‘o laui to‘utangata; pe ko ha tupu ‘i ho ‘api, pe ko ha taha ‘oku ‘ikai ko ho hako, ka ko e fakatau ‘aki ha pa‘anga mei ha muli. Kuo pau pē ke kamu ‘a ia ‘oku tupu ‘i ho ‘api, pea mo ia ‘oku fakatau ‘aki ho‘o pa‘anga; koe‘uhi ke tu‘u ‘eta fuakava ‘i homou kakano, ko e fuakava ta‘engata.