Populære bibelvers fra လု 23

Del

ၸဝ်ႈ​ယေႇသု၊ ၵေႃႈ​လၢတ်ႈ​လႄႈ​ဝႃႈ၊ “ဢူဝ်း​ပေႃႈ။ ပွႆႇလွတ်ႈ​ဢပျတ်ႈ​ၶဝ်​ၸိူဝ်း​ၼႆႉ​သေၵမ်း​တီႈၶႃႈ။ ၶဝ်​ဢမ်ႇ​ႁု​လွင်ႈ​ဢၼ်​ၶဝ်​ႁဵတ်း​ၼၼ်ႉ​တီႈၶႃႈ၊” ဝႃႈ​ၼင်ႇ​ၼႆ​ဢေႃႈ။ ၶဝ်​ၽႄမႅင်ႇ​ဢဝ်​ၶူဝ်းၼုင်ႈ​မၼ်းၸဝ်ႈ​လူၺ်ႈ​တၢင်း​ဢၼ်​တူၵ်းၸႃႇၵွၵ်ႈ​ဢေႃႈ။

မၼ်းၸဝ်ႈ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​မႂ်း​ၸမ်ႉ၊ဝၼ်း​မိူဝ်ႈ​ၼႆႉ​မႂ်း​တၵ်း​မီး​ယူႇ​လူၺ်ႈ​ၵၼ်​တင်း​ၵဝ်​ၵႃႈၼႂ်း​မိူင်း​ၶျၢမ်းသႃႇ​ပုၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

သမ်ႉ​လဝ်ႈလၢတ်ႈ​တီႈ​ ၸဝ်ႈ​ယေႇသု၊ လႄႈ​ဝႃႈ၊ “ ၸဝ်ႈ​ယေႇသု၊ တီႈၶႃႈ၊ၼႂ်း​မိူဝ်ႈ​ဢၼ်​ၸဝ်ႈႁဝ်း​မႃး​ၼႂ်း​မိူင်း​ၸဝ်ႈ​ယူႇ​ၼၼ်ႉ​ၸိုင်၊ၶုၵ်းၸႂ်လႆႈ​ၶႆႈၸႂ်ထူပ်း​ၵဝ်ၶႃႈ​သေၵမ်း​တီႈၶႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၵေႃႈ​ႁွင်ႉသႅၼ်ႇ​တင်း​သဵင်​ဢၼ်​ယႂ်ႇ​ၼႃႇ​လႄႈ​ဝႃႈ၊ “ဢူဝ်း​ပေႃႈ။ ၵဝ်ၶႃႈ​ဢဝ်​ၸႂ်ဝိၺိၺ်ႇ​ၵဝ်ၶႃႈ​ဢၢပ်ႈ​ၼႂ်း​မိုဝ်း​ၸဝ်ႈႁဝ်း​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​လႄႈ​ထွတ်ႇ​ၸႂ်​မၼ်းၸဝ်ႈ​ၵႂႃႇ​သေ​ဢေႃႈ။

မိူဝ်ႈ​ဢၼ်​ၶဝ်​ႁွတ်ႈထိုင်​ၵႃႈတီႈ​ဢၼ်​ႁွင်ႉဝႃႈ၊ၵွင်း​ၵွၵ်းႁူဝ်​ၼၼ်ႉ​ၸိုင်၊ၶဝ်​ဢဝ်​ ၸဝ်ႈ​ယေႇသု၊ တွၵ်ႇ​ၵႃႈၼိူဝ်​သဝ်မႆႉဝႃးမိုဝ်း​လႄႈ ၵူၼ်းႁၢႆႉ​သွင်​ၵေႃႉ​ၼၼ်ႉ​ၵေႃႈ၊တွၵ်ႇ​ဝႆႉ​ၵေႃႉ​ၼိုင်ႈ​ၽၢႆႇၶႂႃ​ၸဝ်ႈ၊ၵေႃႉ​ၼိုင်ႈ​ၽၢႆႇသၢႆႉ​ၸဝ်ႈ​လူၺ်ႈ​ၵၼ်​တင်း​မၼ်းၸဝ်ႈ​ဢေႃႈ။

ၶိင်ႇ​ယၢမ်း​ၼၼ်ႉ​ပဵၼ်​ၶိင်ႇ​သိပ်း​သွင်​မွင်း​ၸမ်​ၸမ်​လႄႈ​ပဵၼ်​ဢၼ်​လပ်းသိင်ႇ​ၽိတ်း​ၽိတ်း​ၵႂႃႇ​တင်း​ဝၢၼ်ႈ​တင်း​မိူင်း​တေႃႇထိုင်ႁွတ်ႈ​ၶိင်ႇ​ဝၢႆးဝၼ်း​သၢမ်​မွင်း​ဢေႃႈ။- ၽႃႈၵင်ႈ​ဢၼ်​ၽႅၼ်​ၵႃႈၼႂ်း​ၵျွင်း​ပိၵ်ႈမၢၼ်ႇ​ၸဝ်ႈ​ၵေႃႈ​သိၵ်ႇ​ၶၢတ်ႇ​ပဵၼ်​သွင်​သိၵ်ႈ​ၵႂႃႇ​ဢေႃႈ။

ၶုၼ်သိုၵ်းလူင်​ႁၼ်​လွင်ႈတၢင်း​ဢၼ်​ပဵၼ်​မႃး​ၼၼ်ႉ​သေယဝ်ႉ၊ယွင်ႈယေႃး​ၽြႃးပဵၼ်ၸဝ်ႈ​လႄႈ​ဝႃႈ၊ “ၸႂ်ႈ​တႄႉ။ ၵေႃႉ​ၼႆႉ​ပဵၼ်​ၵူၼ်း​သိုဝ်ႈတေႃႇ​တႄႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။