Populære bibelvers fra Matiu 21

Del

Lauta moru fo'asia God, ma moru ka tagoto'o na God fana 'ola lo'oo moru soea, ngaia te'e agea mola.”

Ma la Jisas 'e lamadu'aga maka 'ilo'oo, “Nau ku iiria famooru, lauta moru fito'o ma moru 'ame manata ruarua, tamooru su'asuria 'amoru agea mola 'ola ba'ita riufia nga 'ola lo'oo nau ku agea na 'ai lo'oo. Lauta moru iiria fana nga busu lolo'o, ‘'Oi leka, moko nana'i 'ubulana asi,’ ma ngaia te'e leka mola.’

Nga oguogunga ba'ita na gila leka 'i na'o la Jisas, ma gila na gila leka 'i'isi kau 'i burina, gila o'omae ma gila ka 'ilo'oo, “Baatafengaa fana wela na fufutanga ala Defete nga kiingi! God 'oi nanamate'enia nga wane na ngaia 'e leka mai 'ania nga tegelangaa amu!” Goru baatafea God!”

Ma la Jisas ka fata 'ilo'oo fana ta'a no'ona, “Nga Fatalana God 'ubulana Girigiringa Abu ngaia 'e fata 'ilo'oo, ‘Nga 'Ifi agu, nga 'ifi ni fo'anga.’ Tafe'ua mai 'amooru bulote'enia mola fana lefu fana beringa.’”

“Moru iiria fana ta'a 'i Jerusalem ma moru ka fata 'ilo'oo, ‘Agasia madi. Nga kiingi amooru, ngaia 'e leka no'o mai te'amooru. Ngaia 'e malofi'a, maka leka mai 'i fofona nga dongki. Ngaia 'e leka mai 'i fofona nga dale'e dongki.”

Ma la Jisas ka fata 'ilo'oo faga, “Nau ku su'aai na'a mooru moru idumia nga Girigiringa Abu laka'u ngaia 'e fata 'ilo'oo, ‘Nga fou na nga ta'a ni launga'inga na 'ifi gila ma'asini te'enia, ngaia na nga fou 'e taringa'i maka riufia nga fou lo'oo te'efou na bani. God ne'e launge'enia nga 'ola lo'oori, ma gila ka aga ka le'a 'e iiki.’

“Ma ngaia na'a nau ku iiria famooru, nga nanamangaa na foufounga na God tagila lafua fa'asi 'amooru, ma tagila kwatea no'o fana nga ta'a na gila lo'o suria.