Populære bibelvers fra GENESI 50

Del

Lena mola le rera go ntira bobe, e bile mo Modimo a rerilego go tšweletša tše botse, gore a dire tše tša mehla yeno, a phediše batho ba bantši.

Josefa a bolela le bona a re: Le se ke la boifa. A nka tsoša taba ye Modimo a e phethilego?

Bjale le se ke la hlwa le boifa; lena le bana ba lena le tlo babalelwa ke nna. A ba homotša, a bolela tša go ba bea dipelo.

Le boleleng le Josefa le re: Hle anke o lebalele bana ba tatago bokgopo bjola le sebe sa bona, gobane ba go dirile tše mpe. Gomme bjalo, a ko re lebalele hle, rena bahlanka ba Modimo wa tatago. Ge ba bolela mantšu a, Josefa o napile a lla.

Josefa o boletše le bana babo a re: Nna ke a hwa; fela, Modimo o tlo le hlokomela, a ba a le ntšha nageng ye, a le iša nageng yela ye a e enetšego Aborahama le Isaka le Jakobo.

Gomme Josefa a eniša bana ba Isiraele a re: Mohla Modimo a tlogo ba a le hlokometše ka mokgwa wo, le tloge mo le rwele mašapo a ka.

Josefa o hwile a le monna wa nywaga e lekgolo le lesome. Ba lokišitše setoto sa gagwe, ba se boloka polokelong gona moo Egipita.