Populære bibelvers fra Yoni 1

Del

Tu tufoidi keke hidakiloweni, au ase'asediya hivega'aulena be hivetumaganena, fa'ina badi tovetumagana gihawahegedi be Yaubada yana yo'ogaga agaidiya hitubuyemu.

Boi tuwai-lokalokana babi ana abave'inuba aimo keke ana toveya kaliva ana egana Bona gimiyamiya-vagata, ada Bana Bona Yaubada buye himimiyami, ada Bana Bona Yaubada Tauna.

Ada Bana'e kaliva nuwada gikivemahalina-ma ana egana Tomahala, fa'ina ide uyuyu againe kamimiyami-ma gitutuvemahalida, tu badi to'uyuyu ma Tomahala yana mahalina keke adifaiweya hidaluvekwe'uni.

Ada Bana Bona gihobu'ela be givekaliva ada gi'ela adahinageya a buye kamiyami. Kadu ime yana kikaiwabu a'itana, hida kikaiwabu-nadi Yaubada Tamada Natuna anakaibe'u-mo'a givelena-ma. Bana Bona nuwadoga kadu nuwanuwa velemo'ena againe gidodobodabodana.

Ada Bana Yaubada yana nuwanuwa Bana Bona givelena be Bana Bona gaitoma moya'aidi gibubudi, ada Bana anakaibe babi ana gaitoma sa'eyana sa'eyana gibubudi, au keke tamo hakwadi velugana gida'aibubuna. Bana'e againe gaitoma moya'aidi wayawaidiyao yawaidi hinuhagana, ada Bana'e kaliva yawaida giveleda-ma kadu nuwada gikivemahalina.

Tu aiyeta anavelu againe Yoni gida'ita ma Yesu bana againe gi'ela'ela ada Yoni gigahe gigayo, “Wa'ita. Wada kaliva gi'ela'ela-ma Yaubada givegidena, ana egana Yaubada yana Sifi Kabi'ona. Tomiyababi yada koyona ginawahina be ginanauwena, sifi abaveyao againe gina'alika amine.

Ada au Bana Bona babiya gihobu'ela be gimiyami. Yaubada yana nuwanuwa againe Bana Bona Tauna babi ana To'aibubuna nonogana tomiyababi hifaniyena. Tauna yana babi againe gihobu'ela tu yana yo'o hikilowena.

Tu Bana Bona mahala velemo'ena ada babiya gihobu'ela be kaliva moya'aida nuwada gi'i'ivemahalina.

Boi tuwaina Mosese Yaubada yana vehimeya ime miYuda bwanenemeyao givehawaledi, tu tova adamoya Yesu Keliso Tamana Yaubada yana huluva amine gihuluva fa'ina, Yaubada yana nuwadoga kadu yana gahe velemona kahalamanena.