Populære bibelvers fra Romarane 12

Del

Og innrett dykk ikkje etter denne verda, men lat dykk omskapa ved at de får eit nytt sinn og kan dømma om kva som er Guds vilje: det gode, det som er til glede for Gud, det fullkomne.

Difor legg eg dykk på hjartet, sysken, ved Guds miskunn, at de må bera fram kroppen dykkar som eit levande og heilagt offer, til glede for Gud. Det skal vera dykkar åndelege gudsteneste.

Ver glade i vona, tolmodige i motgangen, uthaldande i bøna.

Lat ikkje det vonde få vinna over deg, men vinn over det vonde med det gode!

Elsk kvarandre med inderleg syskenkjærleik; set dei andre høgare enn dykk sjølve!

Lat kjærleiken vera ekte! Avsky det vonde og hald dykk til det gode!

Gjer alt de kan for å halda fred med alle menneske, så langt det er mogleg.

Ta ikkje hemn, mine kjære, men overlat vreiden til Gud. For det står skrive: Hemnen høyrer meg til, eg skal gjengjelda, seier Herren.

Ver ikkje lunka, men ivrige. Ver brennande i Anden, ten Herren!

Ved den nåden eg har fått, seier eg til kvar og ein av dykk: Tenk ikkje for store tankar om deg sjølv, men bruk forstand og ver sindig! – kvar og ein etter den trua som Gud har tilmålt han.

Løn ikkje vondt med vondt; ha tanke for det som er godt for alle menneske.

Ha ei og same haldninga dykk imellom, trakt ikkje etter det høge, men hald dykk gjerne til det låge. Ver ikkje sjølvkloke!

Men: Er fienden din svolten, så lat han få mat, er han tørst, så gjev han drikke. Gjer du det, samlar du glødande kol på hovudet hans.

Velsign dei som forfølgjer dykk, velsign og forbann ikkje. Gled dykk med dei glade og gråt med dei som græt.

Ver med og hjelp dei heilage som lid naud, og legg vinn på å vera gjestfrie.

Vi har éin kropp, men mange lemer, og alle lemene har kvar sine oppgåver. På same måten er vi alle éin kropp i Kristus, men kvar for oss er vi lemer for kvarandre.