Populære bibelvers fra Johannes 15

Del

Eg er vintreet, de er greinene. Om de blir i meg og eg i dykk, då ber de mykje frukt, men skilde frå meg kan de ingen ting gjera.

Ver i meg, så er eg i dykk. Som greina ikkje kan bera frukt av seg sjølv, men berre når ho er på vintreet, slik kan heller ikkje de bera frukt viss de ikkje er i meg.

Blir de verande i meg, og blir orda mine verande i dykk, så be om kva de vil, og de skal få det.

De har ikkje valt ut meg, men eg har valt ut dykk og sett dykk til å gå ut og bera frukt, ei frukt som varer. Då skal Far gje dykk alt de bed om i mitt namn.

Ingen har større kjærleik enn den som gjev livet sitt for venene sine.

Kvar grein på meg som ikkje ber frukt, tek han bort, og kvar grein som ber frukt, reinsar han så ho skal bera meir frukt.

Og dette er bodet mitt: De skal elska kvarandre som eg har elska dykk.

For ved dette lyser herlegdomsglans om Far min, at de ber mykje frukt og blir mine læresveinar.

Eg er det sanne vintreet, og Far min er vinbonden.

Den som ikkje blir verande i meg, blir kasta ut som ei grein og visnar. Greinene blir samla saman og kasta på elden, og dei brenn.

Dette har eg tala til dykk så mi glede kan vera i dykk og gleda dykkar kan bli fullkomen.

Held de boda mine, er de i min kjærleik, slik eg har halde boda til Far min og er i hans kjærleik.

Dette er det eg byd dykk: De skal elska kvarandre!

Hadde de vore av verda, då hadde verda elska sitt eige. Men de er ikkje av verda; eg har valt dykk ut av verda. Difor hatar verda dykk.