Populære bibelvers fra Jeremia 23

Del

Kan nokon gøyma seg på hemmelege stader så eg ikkje ser han? seier HERREN. Fyller ikkje eg både himmel og jord? seier HERREN.

Sjå, dagar skal koma, seier HERREN, då eg skal reisa opp ei rettferdig spire for David. Kongen skal styra med visdom og gjera det som er rett og rettferdig i landet. I hans dagar skal Juda bli frelst og Israel bu trygt. Og dette er namnet han skal få: HERREN, vår rettferd.

Ve dei gjetarane som leier vill og spreier sauene eg har på beite, seier HERREN.

Så skal eg samla resten av sauene mine frå alle dei land eg har drive dei bort til, og føra dei tilbake til deira eigne beitemarker, og der skal dei vera fruktbare og bli mange. Då skal eg reisa opp nye gjetarar til å gjeta dei. Dei skal ikkje lenger vera redde, ikkje skjelva, ikkje bli borte, seier HERREN.

Så seier HERREN over hærskarane: Høyr ikkje på orda til dei profetane som profeterer for dykk! Dei gjer dykk tomme, dei fortel om syn frå eige hjarte og ikkje frå HERRENS munn.