Populære bibelvers fra Jesaja 11

Del

HERRENS ande skal kvila over han, ein Ande med visdom og forstand, ein Ande med råd og styrke, ein Ande som gjev kunnskap og frykt for HERREN. Han skal ha si glede i frykta for HERREN. Han skal ikkje dømma etter kva auga ser, og ikkje skifta rett etter kva øyra høyrer.

Ein kvist skal skyta opp frå Isais stubbe, og eit skot skal spira fram frå hans røter.

Han skal dømma fattige rettferdig, i rettferd skal han skifta rett for dei hjelpelause i landet. Han skal slå landet med riset i sin munn og drepa dei urettferdige med pusten frå sine lepper.

Rettferd skal vera beltet om livet og truskap beltet om hoftene hans.

Ingen skal skada eller øydeleggja noko på heile mitt heilage fjell. For landet er fylt av kjennskap til HERREN slik vatnet dekkjer havsens botn.

Då skal ulven bu saman med lammet og leoparden leggja seg hos kjeet. Kalv og ungløve skal beita saman medan ein smågut gjeter dei.

Den dagen skal Isais rotskot stå som eit banner for folka. Folkeslaga skal søkja han, og hans bustad skal vera herleg.