Populære bibelvers fra Forkynnaren 12

Del

Dette er summen av alt du har høyrt: Ottast Gud og hald hans bod! Dette er det som alle menneske har fått.

For Gud skal dømma kvar gjerning, halda dom over alt som er løynt, anten det er godt eller vondt.

Tenk på din skapar i ungdoms år, før dei vonde dagane kjem, før dei åra kjem då du må seia: «Eg har inga glede av dei», før sol og dagslys, måne og stjerner blir mørke og skyene kjem att etter regnet.

Ja, tenk på din skapar før sølvsnora slitnar og gullskåla brest, før krukka går sund attmed kjelda og hjulet brotnar og fell i brønnen, når støvet vender attende til jorda som det støvet det var, og ånda går til Gud, som gav henne.

Fåfengt og forgjengeleg, seier Forkynnaren, ja, alt er forgjengeleg!